web counter
LEXO PA REKLAMA!

SHKARKO APP

App Store
Google Play

Nga Mentor Kikia/Për çfarë duhet të jemi krenarë që jemi shqiptarë?

11 Maj 2017, 10:52, Aktualitet CNA

Ne nuk ka pse të jemi krenarë sepse Shqipëria jonë është një vend i pasur me liqene, lumenj, miniera, male e pyje të mrekullueshëm. Nuk ka pse të jemi krenarë që kemi një vend që shtrihet në gjysmën e vijes së tij kufitare në dy dete. As sepse jemi një vend me shumë diell, plazhe e vende të mrekullueshme turistike. As sepse në tokat tona mund të mbillet e rritet gjithëcka që natyra ka prodhuar.

Jo! Sepse këto nuk i kemi bërë ne, por natyra, ose Perëndia.
Ne nuk ka pse të jemi krenarë që jemi pasuesit e Ilirëve, të Skënderbeut, apo të rilindasve të shquar, të cilët në kohët më të errëta të historisë, e drejtuan timonin e Shqipërisë nga Perëndimi.
Jo! Sepse kjo nuk është meritë e jona.

Ne duhet të jemi krenarë për çfarë kemi bërë e po bëjmë ne. Në fakt, a kemi ne për çfarë të krenohemi? Unë them që jo, përkundrazi, duhet të ndjehemi të turpëruar. Sepse pasuritë që na dha natyra ne i kemi shkatërruar e po i shkatërrojmë. Ne nuk kemi ndërtuar dot një shtet demokratik, nuk ndërtuam dot një sistem shoqëror e politik, bazuar mbi liritë dhe të drejtat e njeriut dhe mbi barazinë para ligjit. Përkundrazi, ndërtuam një sistem që ka në themel hajdutërinë, zhvatjen, mashtrimin, hilenë e dinakërinë. Ngritëm një sistem që nuk bazohet në vlerën e punës dhe intelektit, por tek servilizmi dhe rryshfeti. Sa herë dëgjoj shprehjen ?Krenar që jam shqiptar?, pyes: Përse? Dhe nuk gjej arye për të thënë që jam krenar.

Por unë nuk dua të jem fatalist. Unë shpresoj se shoqëria jonë do të prodhojë një klasë të re udhëheqëse. Madje, qoftë edhe një individ të vetëm. Edhe një njeri mund ta ndryshojë historinë./CityNews





Lajmet e fundit nga