E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Xhovani SHYTI/ Po investojmë miliarda për krizat politike

11 Maj 2017, 10:22, Aktualitet CNA

Fondi prej gjashtëdhjetë e pesë milionë lekë i nxjerrë nga buxheti i shtetit, në të vërtetë nga buxheti i parave të taksapaguesve, sipas KQZ-së, është venë në dispozicion për financimin e fushatës së 18 qershorit 2017. Ai do t?u shpërndahet partive politike të regjistruara si subjekte zgjedhore në këto zgjedhje. Pra gjashtëdhjetë e pesë milion lekë do të shërbejnë për të financuar pesëmbëdhjetë partitë që do të garojnë në këto zgjedhje, duke vijuar kështu një traditë 25 vjeçare.

Sepse që prej më shumë se dy dekadave vijon po i njejti ritual. Një herë në katër vjet dhe një herë në tre vjet (duke përjashtuar votimet e parakohëshme), nga buxheti ynë i taksapaguesve janë nxjerrë fonde qindra milionëshe për të financuar partitë politike pjesëmarrëse nëpër garat elektorale.

Me paratë tona, pra të taksapaguesve, këto parti kanë bërë si u ka dashur qejfi, pa i hyrë asnjë gjemb në këmbë edhe kur nuk kanë paraqitur bilancet financiare. Gjë që don të thotë se paratë tona janë përvetësuar, janë shpërdoruar, janë investuar për qëllime që vetëm poseduesit e tyre partiak e dinë si të jenë mall pa zotë.

Burimet zyrtare kanë raportuar se deri në vitin 2009 nuk ka patur një ligj funksional që ti detyronte dhe ndëshkonte partitë kur i shmangnin bilacet financiare, por edhe kur ky ligj u fut në funksion nuk është se ndryshoi tërësisht sjelljen e partive. Gjë që e tregoi dhe LSI me deklaratat befasuese të drejtuesve të saj që i rranë gjoksit duke bërë publik faktin se me transparencën financiare të 2016 LSI ishte një shembull dhe model që duhej ndjekur.

Një e vërtetë që do të kishte më shumë vlerë sikur përveç transparencës jo vetëm LSI, PS, PD dhe gjithë lidershipi i spektrit politik, të qenë shumë e shumë më tepër të përgjegjshëm për produktin që i kanë dhenë taksapaguesve si detyrim ndaj investimit miliardësh. Pasi, deri më sot, e vetmja gjë që ne kemi parë me shumicë janë krizat dhe kolapsi, mosecja përpara në rrugën e demokratizimit, por rikthimi në të njejtën pikë nisjeje edhe kur qëllon që kemi lëvizur prej saj. Dhe këtë na i ka borxh politika për të cilën, gjatë më shumë se dy dekadave të ikura, kemi investuar miliarda për të vjelë krizat politike, ku kjo e tashmja është veç e fundit. / CityNews