Trazirat në Maqedoni/ Aktakuza që rëndon mbi 9 dhunuesit e deputetëve

8 Maj 2017, 11:49, Aktualitet CNA

Në përfundim të hetimeve rreth sulmit mbi Kuvendin ndaj Kuvendit të Maqedonisë, ditën kur kryesues i tij u zgjodh shqiptari Talat Xhaferi, Prokuroria Themelore Publike e Shkupit ka njoftuar se sot ka dorëzuar aktakuzë për nëntë personat pjesëmarrës në dhunë.

Të dyshuarit Prokuroria i ndjek për: ?pjesëmarrje në turmë, e cila do të pengojë kryerjen e detyrës të personit zyrtar?, neni 384, paragrafi 1 i Kodit Penal. Për dy persona, prokurori i çështjes ka dorëzuar propozim për vazhdimin e masës së paraburgimit. Për një person tjetër, i cili, deri më tani, ishte në paraburgim, prokurori ka kërkuar masën ?arrest shtëpiak?, ndërkaq për njërin që ka qenë në arrest shtëpiak është dorëzuar propozim për vazhdimin e masës së njëjtë.

Për një person, i cili deri më tani ka qenë në paraburgim, nuk është kërkuar vazhdim i masës, por është kërkuar vetëm masa e kujdesit. Përkatër persona që deri më tani kanë qenë në paraburgim, janë mbledhur dëshmi dhe sipas Prokurorisë: ?nuk ekziston rrezik që ta pengojnë procedurën? ndaj është kërkuar që të ketë vetëm masë kujdesi.

Për tre persona për të cilët MPB ka dorëzuar padi penale, PTHP e ka hedhur poshtë padinë penale, me arsyetimin se për dy persona është bërë identifikim i gabuar, ndërkaq për një nga personat fare nuk është konstatuar se e ka kryer veprën për të cilën ngarkohet.

Në vijimësi të lajmit ?portalb? raporton se: përfundimisht, Prokuroria Themelore Publike, ka informuar se ?në pajtueshmëri me ligjin, kualifikimin juridik për kryerjen e veprës penale e jep prokurori publik. Ajo do të thotë se, nëse plotësisht gjenden dëshmi të reja që do të tregonin për ndonjë person të caktuar se ka kryer vepër tjetër penale, prokurori publik në rrjedhën e tërë procedurës do të mund të kryej rikualifikim ose personi të ndiqet për vepra tjera penale. /CityNews