web counter
LEXO PA REKLAMA!

SHKARKO APP

App Store
Google Play

E fundit!

x

Borchardt/OSBE do të vazhdojë të mbështesë Shërbimin e Provës në Rehabilitimin e të dënuarve të Mitur

8 Maj 2017, 12:36, Aktualitet CNA

Kryetari i Prezencës së OSBE-së në Shqipëri, Ambasadori Bernd Borchardt, mori pjesë sot në takimin ndërgjegjësues të organizuar nga Ministria e Drejtësisë dhe Drejtoria e Përgjithshme e Shërbimit të Provës, me temë ?Roli i Shërbimit të Provës në Rehabilitimin e Të Dënuarve Të Mitur?. Në të merrnin pjesë Ministri i Drejtësisë, Z. Petrit Vasili, Drejtor i Përgjithshëm i Shërbimit të Provës, Z. Ilir Qafa, Përfaqësuesja e UNICEF-it në Shqiperi, Znj. Antonella Scolamiero.

Në një fjalim të mbajtur në pjesën hapëse të kësaj veprimtarie, Ambasadori Borchardt tha se alternativat ndaj dënimit me burgim dhe ri-integrimi ndihmojnë të miturit të gjejnë vendin e tyre në shoqëri dhe të fillojnë një jetë ?normale?, gjë që sjell edhe forcim të stabilitetit shoqëror. Por kjo kërkon bashkëpunim ndërinstitucional, angazhim të pushtetit vendor, shoqërisë civile dhe institucioneve edukative, tha ai. Ambasadori Borchardt përshëndeti miratimin e Kodit të Drejtësisë Penale për Të Miturit duke theksuar se do të shërbejë për harmonizimin e legjislacionit shqiptar me angazhimet ndërkombëtare dhe standardet evropiane.

?Të miturit janë mjaft të cenueshëm në sistemin e drejtësisë. Trajtimi i tyre si viktima, dëshmitarë apo shkelës, është një test lakmues për çdo shoqëri. Prezenca e OSBE-së do të vazhdojë të mbështetë Shërbimin e Provës dhe Shqipërinë në përballimin e këtyre sfidave?, tha Ambasadori Borchardt./CityNews





Lajmet e fundit nga