web counter
LEXO PA REKLAMA!

SHKARKO APP

App Store
Google Play

E fundit!

x

A u kërcënua Lulzim Basha?/Ministri i Brendshëm e pranon publikisht: Po!

8 Maj 2017, 20:35, Aktualitet CNA

Ministri i Brendshëm, Fatmir Xhafaj, e ka pranuar publikisht se kreu i demokratëve, Lulzim Basha, është kërcënuar. CityNews ishte i pari që raportoi se kryedemokrati Basha kishte marrë disa mesazhe kërcënuese, duke u detyruar të rriste sigurinë. Kjo është pranuar nga ministri Xhafaj, i cili tha në emisionin ?Top Story? se kërcënimet ndaj Bashës kanë qenë reale.

?Kërcënimet ndaj Z. Basha kanë qenë reale. Ne i kemi trajtuar këtë sinjalizime shumë seriozisht. Menjëherë ne kemi vënë në dijeni stafin e afërt që merret me sigurinë e Z.Basha?.

Duke insistuar te kjo pikë, Sokol Balla pyeti nëse kërcënohej Basha nga grupe paramilitare në Maqedoni, por ministri Xhafaj e mohoi këtë.

Sokol Balla: A është kërcënuar Basha nga grupe paramilitare në Maqedoni?

Fatmir Xhafaj: Kanë qenë disa deklarata të bëra nga ISIS dhe eksponentë të tyre në rajon. Nuk kanë qenë adresime direkte ndaj sigurisë së zotit Basha, por indiciet çonin edhe aty. Kemi pasur raporte të mira me SHISH, si p.sh për festat e kaluara. Gjatë kohës së festave kishim informacione për persona konkret që ndodheshin në Shqipëri që kishin potenciale për akte terroriste. Ata kanë hyrë dhe kanë dalë në territorin shqiptar. Gjate gjithë kësaj periudhe kemi qenë në alarm. Por edhe për ngjarjet në Kavaja kemi pasur shkëmbime me SHISH./CityNews

Kërcënohet Lulzim Basha?/Kreu demokrat shton eskortën





Lajmet e fundit nga