web counter
LEXO PA REKLAMA!

SHKARKO APP

App Store
Google Play

E fundit!

x

Ambasada e SHBA në Kosovë/ Thirrje Kuvendit për votimin e “Demarkacionit”

8 Maj 2017, 19:10, Aktualitet CNA

Ashtu siç kishte publikuar kryeministri i Kosovës, Isa Mustafa, pas shtyrjes paraditen e sotme, të mbledhjes së qeverisë për dërgimin e projektligjit të marrëveshjes që shënon vijën ndarëse të  kufirit të shtetit të Kosovës me Malin e Zi, ka reaguar edhe Ambasada e SHBA. Nëpërmjet një njoftimi të publikuar kjo ambasadë e nxit Kuvendin e Kosovës që në seancën plenare të të mërkurës ta votojë marrëveshjen për ti dhenë fund pengesave politike. Më poshtë është teksti i plotë i njoftimit të ambasadës së SHBA.   

?Ambasada e SHBA-së i bën thirrje Kuvendit të Kosovës ta ratifikojë Marrëveshjen për shënimin e kufirit me Malin e Zi. 

Ne mbesim plotësisht të bindur ? pas shqyrtimit të konsiderueshëm nga ekspertët e qeverisë së Shteteve të Bashkuara të Amerikës ? se vija e shënimit të kufirit e caktuar me marrëveshje është e shënuar në mënyrë korrekte. 

Ka ardhur koha t?iu jepen fund argumenteve dhe mospajtimeve që vetëm po e lëndojnë Kosovën, dëmtojnë kredibilitetin e Kosovës jashtë vendit dhe pengojnë mundësinë që qytetarët e Kosovës të udhëtojnë lirshëm. 

Kjo marrëveshje paraqet shënim të mirë, të saktë dhe të drejtë të kufirit ndërmjet dy vendeve fqinje shumë miqësore. 

E nxisim qeverinë që menjëherë ta dërgojë sërish instrumentin e ratifikimit në Kuvendin e Kosovës dhe deputetët ta ratifikojnë atë pa asnjë vonesë. 

Ka ardhur koha t?i jepet fund pengesave politike të Republikës së Kosovës ashtu që Kuvendi dhe Qeveria të fillojnë të shënojnë përparim në çështjet tjera jetike në të mirë të qytetarëve të Kosovës?./ CityNews





Lajmet e fundit nga