web counter
LEXO PA REKLAMA!

SHKARKO APP

App Store
Google Play

3 anëtarë të KQZ dalin publikisht kundër Denar Bibës/Kjo është shkelja e fundit që ka bërë

7 Maj 2017, 13:34, Aktualitet CNA

Zv/kryetari i Komisionit Qëndror të Zgjedhjeve, Hysen Osmanaj dhe dy anëtarët, Vera Shtjefni dhe Klement Zguri me anë të një deklarate për mediat kanë denoncuar disa parregullsi në listat shumemërore të kandidatëve për deputetë, të paraqitura nga partitë politike, të cilat kryetari i KQZ-së, Denar Biba nuk i ka marrë parasysh.

Mes kësaj deklarate për mediat kët tre anëtarë e quajnë shkelje vendimin e tij për të miratuar listat shumëemërore.

DEKLARATA E PLOTË
Komisioni Qendror i Zgjedhjeve, ne mbledhjen e dt. 07. 05. 2017, do të shqyrtonte disa projekt-vendime për miratimin e listave shumemërore të kandidateve për deputet të paraqitura nga partitë politike.
Tre anëtarët e KQZ konstatuan se për disa subjekte zgjedhore kishte parregullsi/mospërputhje mes nënshkrimeve mbështetëse në lista dhe atyre të vendosura në kopjet e kartave të identitetit.
Ne kërkuam verfikimin e këtij dokumentacioni. Kërkesa ishte në përputhje të plotë me Kodin Zgjedhor dhe është detyrim i KQZ për të verifikuar nënshkrimet mbështetëse të zgjedhësve për kandidatët dhe për të përjashtuar nënshkrimet e parregullta, sikurse e përcakton neni 71 i Kodit Zgjedhor.

Kryetari i KQZ refuzoi të kryejë këtë procedurë dhe e rrëzoi kërkesën tonë përmes një votimi të pambështetur në ligj.

Vendimmarrja e kryetarit të KQZ për të penguar ligjshmërinë dhe transparencën e dokumentacionit të kandidatëve për deputet dhe për të na penguar të ushtrojmë detyrën është një sjellje e përsëritur në dëm të misionit dhe detyrave të KQZ dhe në favor të interesave të subjekteve të caktuara zgjedhore.

Fatkeqësisht kjo vendimmarrje e re abuzive, është ne vazhdën e vendimmarrjeve të paligjshme të KQZ, si për shembull regjistrimi i listave të kandidateve të subjekteve zgjedhore tej afatit ligjor. Ne si anëtarë të KQZ-se, shprehim shqetësimin se kjo sjellje e KQZ-se po cënon rëndë procesin zgjedhor dhe po inkurajon dhe hap rrugën manipulimeve zgjedhore.

Hysen Osmanaj, Zv/Kryetar i KQZ-se
Vera Shtjefni, Anetare
Klement Zguri, Anetar/CityNews





Lajmet e fundit nga