web counter
LEXO PA REKLAMA!

SHKARKO APP

App Store
Google Play

Ligji Antimafia/ Pasuria e Shullazit në skanerin e prokurorisë

2 Maj 2017, 07:52, Aktualitet CNA

Gjithë pasuria që i përket Emiliano Shullazit dhe grupit të tij do të kaloj në tehun e verifikimit . Këtë e kanë konfirmuar burime zyrtare të Prokurorisë sipas të cilave ndaj Emiliano Shullazit dhe pjesëtarëve të tjerë të grupit të tij do të aplikohet i ashtuquajturi ligji Antimafia.

Në zbatim të tij, prokurorët që administrojnë dosjen e hetimit Shullazi kanë nisur punën për verifikimin e pasurive, duke i kërkuar kërkuar informacion hipotekës, Qendrës Kombëtare e Biznesit dhe bankave të nivelit të dytë. Po ashtu, i është kërkuar Zyrës Qendrore të Regjistrimit të Pasurive të Paluajtshme në Tiranë, të evidentojë të gjitha pronat e regjistruara në emër të Emiliano Shullazit dhe pjesëtarëve të afërt të familjes së tij.

Përveç hipotekës, prokuroria ka kërkuar informacion edhe nga Qendra Kombëtare të Regjistrimit të Bizneseve, për të verifikuar aktivitetet tregtare që mund të jenë në emër të Shullazit apo si ortak në ndonjë biznes të caktuar. E njëjta praktike, është kërkuar edhe nga bankat e nivelit të dytë në vend, ku veç evidentimit të llogarive bankare, është kërkuar edhe bllokimi i tyre nëse konstatohen në emër të Shullazit. Nga ana tjetër, mësohet se prokuroria ka ndjekur të njëjtën praktikë edhe për të dyshuarit e tjerë tashmë të arrestuar, Gilmando Dani, Endrit Qyqja, Blerim Shullazi dhe Endri Zela. Veç emrave të tyre, prokuroria mësohet se ka kërkuar edhe për të afërmit e tyre në bazë të ligjit Antimafa, pasi të pandehurit akuzohen për disa gjobëvënie, kërcënime për shkak të detyrës, të gjitha këto në kuadër të grupit të strukturuar kriminal. Pesë të pandehurit e kësaj dosje, tashmë kanë përfunduar në gjyq dhe pritet që Gjykata e Krimeve të Rënda të nisë procesin gjyqësor më datën 10 maj. Ndërkohë prokuroria po heton edhe mbi 15 persona të tjerë të cilët dyshohet se janë pjesë e bandës së drejtuar nga Emijano Shullazit. Pak kohë më parë, prokuroria mbylli hetimet për Shullazin dhe grupin e tij duke ngritur pesë akuza të rënda mbi këta të fundit./ CityNews





Lajmet e fundit nga