web counter
LEXO PA REKLAMA!

SHKARKO APP

App Store
Google Play

E fundit!

x

Vasili nga Fieri/Cilët janë faktorët kyç për zhvillimin e Shqipërisë

1 Maj 2017, 12:13, Aktualitet CNA

Zv.Kryetari i Lëvizjes Socialiste për Integrim, Petrit Vasili së bashku me kandidaten për deputete të LSI-së, Erisa Xhixho, morën pjesë në një tryezë me rrjetin e të rinjve profesionistë në sektorin privat të qytetit të Fierit. Të pranishëm ishin edhe deputetët e LSI-së, Kejdi Mehmetaj dhe Robert Bitri.

Duke marrë fjalën gjatë këtij bashkëbisedimi, z. Vasili tha se pa sipërmarrje dhe zhvillim ekonomik e shoqëror Shqipëria nuk mund të bëjë përpara. Zv.Kryetari i LSI-së theksoi e nëpërmjet ideve që vijnë nga sipërmarrësit do të mund të realizohet një program elektoral realist.

?Të gjithë së bashku, pa asnjë ndalim, ecim drejt një Shqipërie që do të jetë një Shqipëri e zhvilluar, kapitaliste e sipërmarrëse. Sepse pa sipërmarrje, pa zhvillim të tillë ekonomik dhe shoqëror Shqipëria nuk mund të bëj përpara. Shqipëria nuk mund të jetë më e begatë, dhe të gjitha fjalët që politika thotë, do të jenë ato fjalët boshe të cilat mbi bazat e atyre premtimeve që vetë politikanët as vetë nuk i besojnë. Ne po formësojmë falë këtyre ideve, edhe atë program elektoral tonin, i cili do të jetë një program jo vetëm i shkëlqyer, por mbi të gjitha do të jetë një program realist, i vërtetë?, – u shpreh Petrit Vasili.

Kandidatja për deputete e LSI-së në Qarkun Fier, Erisa Xhixho, deklaroi se Lëvizja Socialiste për Integrim mbështet të rinjtë dhe idetë e tyre inovative me një program konkret. Sipas Xhixhos, biznesi privat ka nevojë për stabilitet politik që të sigurojë investimet vendase e te huaja.

?Interesi madhor është që të kenë një Shqipëri të stabilizuar politikisht, por edhe ekonomikisht. Janë kyç për zhvillimin e ekonomisë. Unë besoj fort se në qoftë se politika i jep një vëmendje akoma më të madhe sektorit privat, padyshim që kjo do të sjellë hapjen e vendeve të reja të punës?, – tha Erisa Xhixho.

Ndërsa, deputetja e LSI-së, Kejdi Mehmetaj, theksoi se të rinjtë janë të parët dhe në krye të gjithë objektivave.

?Jemi të bindur që në krye të gjithë objektivave që ne kemi, janë të rinjtë sepse e thashë për LSI-në të rinjtë janë të parë dhe kjo do të jetë fitorja jonë më e madhe në 18 qershor?, – deklaroi Mehmetaj./CityNews





Lajmet e fundit nga