E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Nga Xhovani SHYTI/ Ikin “ushtarët” e Policisë “ gjeneralët” mbeten

25 Prill 2017, 17:17, Aktualitet CNA

Ka një fatkeqësi të madhe në këtë vend dhe kjo lidhet me oreksin e madh të politikës për të qenë sundimtare e diktuese e gjithë jetës së vendit. E pandalëshme në kënaqje të synimeve e përfitimeve të veta, pa u preokupuar se me veprimet e saja shpesh prish punë. Kjo ka ndodhur edhe paraditjen e sotme me ministrin e ri të Punëve të Brendëshme , Fatmir Xhafaj.

Sikurse ka njoftuar Citynews, ky i fundit ka thirrur në zyrën e tij Drejtorin e Hetimit të Krimeve të Renda, njëherësh dhe zvendësdrejtoi i Përgjithshëm i Policisë së Shtetit, Ardian Çipa, për ti komunikuar largimin nga detyra që mban dhe caktimin në një detyrë tjetër. Por, po sipas cityneës merret vesh se nga dymbëdhjetë drejtorë qarqesh nëntë prej tyre do të lëvizen?

Vendimi i ?stuhisë? Xhafaj ka qenë përfolur javë më parë, duke përbërë kështu çudi vetëm për pjesën përse u zbatua pikërisht sot. Domethenë vetëm pak orë para ardhjes në Shqipëri të dy misionarëve të Parlamentit Europian, përkatësisht Mc Allister e Fleckenstein për të zgjidhur ngërçin e politikës shqiptare.

Në konkluzion të këtij veprimi citynews vlerësonte:?Ka shuma gjasa që drejtuesit e Policisë të jenë bërë ?kurban? ose nga inati i ministrit Xhafaj, me ish-ministrin Saimir Tahiri, ose mund të jenë dhënë si koncesion për shkak të opozitës, për të shkuar deri te arsyeja më banale dhe e pafalshme ajo e pazarit politik?.

Një konkluzion i mirëqenë ky, por fjalën e kemi tek punëprishja që sjellin të tilla lojra politike, që vijojnë prej dekadash dhe nuk po duket se do të ndalen. Sepse të tilla ka patur sa herë kanë renë e janë ngjitur ?gjeneralët? politikë të drejtimit të shtetit. Në rastin konkret, të gjithë personat e përfshirë në ?stuhinë Xhafaj? rezultojnë të jenë me kontribute dhe profesionalisht të aftë për të qenë në lartësinë e duhur të detyrave funksionale.

Sipas burimev tona konfidenciale, nga Ministria e Brendëshme, për asnjerin prej drejtorëve të lëvizur nuk ka një motiv të qendrueshëm për të justifikuar veprimin. Por as ndonjë raport të strukturave të brendëshme kontrolluese të Ministrisë që të flasë për paaftësi apo përfshirje në veprimtari antiligjore. Po atëherë? Ajo që bie në sy është fakti se pothuajse askush nga drejtorët e përfshirë nga ?stuhia Xhafaj? nuk rezulton të jetë militant, simpatizant i partive të maxhorancës, apo pjesë e klaneve labo-mallakastriote që rivalizojnë Ministrinë e Brendëshme, por thjesht e vetëm profesionistë. Çka e kompromenton akoma më shumë politikisht ?stuhinë Xhafaj?, që duke goditur ?kokat? nuk bën tjetër veçse e rikthen Policinë e Shtetit në pikën zero të profesionalizmit. Sepse, në fakt, gjithë të shkarkuarit e sotëm nuk janë tjetër veçse ?ushtar? profesionistë, pjesë e rendësishme e një ushtrie ku ?gjeneralët? politik dhe klanet shërbestare të tyre mbeten. /Citynews