web counter
LEXO PA REKLAMA!

SHKARKO APP

App Store
Google Play

Zbardhet ekspertiza mjeko-ligjore/50 plumba kallashnikovi mbi trupin e Ervin Dalipajt

25 Prill 2017, 16:46, Aktualitet CNA

Vetëm pak orë pas krimit të dyfishtë në Durrës është zbardhur ekspertiza mjeko-ligjore e trupit të ish-shefit të krimit ekonomik në Tiranë, Ervin Dalipaj. Ky i fundit u ekzekutua sot në një atentat mafioz në autostradën Tiranë-Durrës. Rezultatet e ekspertizës kanë nxjerrë se ish-efektivi i policisë është qëlluar me rreth 20 plumba në trup.

Mësohet se pjesa më e madhe e plumbave e kanë goditur Dalipajn në pjesën e kokës. Duket se kufoma e Dalipajt, është bërë shoshë nga plumbat, dhe ish-efektivi i policisë ka humbur jetën në vend.
Ndërkohë të njëjtat burime bëjnë të ditur se nga ekspertiza e bërë në vendngjarje automjetit me të cilin udhëtonin dy viktimat e atentatit të sotëm, janë gjetur rreth 50 gëzhoja.

Kjo tregon se autorët e atentatit kanë gjuajtur me breshëri për të mos i lënë asnjë mundësi dy personave që ndodheshin në mjetin tip Audi, të shpëtonin të gjallë.

Mësohet gjithashtu se pjesa më e madhe e plumbave e kanë goditur automjetin në pjesën e shoferit. Mësohet se ishte pikërisht ish-shefi i krimit ekonomik, Ervin Dalipaj, ai që drejtonte mjetin tip Audi.
Pritet që në orët ne vijim të zbardhen rezultatet e ekspertizës mjeko-ligjore edhe për mikun e Dalipajt, Juxhin Dauti, që humbi jetën gjithashtu në atentatin e tipit mafioz./CityNews





Lajmet e fundit nga