web counter
LEXO PA REKLAMA!

SHKARKO APP

App Store
Google Play

E fundit!

x

Axhenda Mc Allister-Fleckestein/  A do të ketë një tryezë të përbashkët midis Ramës, Metës dhe Bashës

25 Prill 2017, 07:54, Aktualitet CNA

Zëvendëspresidenti i PPE-së, David Mc Allison dhe eurodeputeti përgjegjës për Shqipërinë, Knut Fleckestein, do të mbërijnë ditën e sotme në Tiranë për të nisur turin e tyre të paqtimit të politikës shqiptare, që prej muajsh ndodhet në një situatë ngërçi.

Ardhja e këtyre dy personalitetetve të lartë të bashkësisë europiane është shpresa e fundit për ti dhenë një zgjidhje të gjithëpranuar, mirëpo cila do të jetë axhenda e takimeve të tyre? A kanë Mc Allister dhe Fleckestein një ofertë konkrete dhe cila është ajo? Me cilin do ta zhvillojnë takimin e parë dhe si do të lëvizin në orët vijuese të misionit të tyre shqiptar? A do të ketë një tryezë të përbashkët midis krerëve të politikës shqiptare, me ndërmjetësimin e dy misionarëve të huaj?

E sigurt është që nuk do të ketë një tryezë të përbashkët bisedimi Rama-Meta-Basha për sa kohë këta të fundit të mos kenë renë dakort për nënshkrimin e një marrëveshjeje politike, përgjigjet Panorama në një publikim të sotëm, duke ju referuar burimeve të veta anonime. Po atëherë si do të arrihet paqtimi?

Në fillim dy negociatorët gjerman, Mc Allister dhe Fleckenstein  do të marrin takim me drejtuesit e dy partive të majta bashkëkoalicioniste, Ramën dhe Metën, të cilët janë në një emërues të përbashkët lidhur me pranimin e çfarëdolloj oferte për marrëveshje me opozitën,  mjaft që kjo të mos jetë në shkelje të Kushtetutës.

Por i gatshëm për këtë hap është shprehur edhe kryetari i PD-së Lulzim Basha, i cili ndryshe nga sa kërkojnë  homologët e tij, nuk luan nga pozicioni i vet për shkuarjen në zgjedhje vetëm me një qeveri teknike, në të kundërt as që bëhet fjalë për pjesëmarrje të opozitës në zgjedhjet e 18 qershorit. Në fakt kërkesat e Bashës janë antikushtetuese, çka bie në kundërshtim të plotë me çka kërkojnë Rama-Meta dhe parathonë mosdakortësimin  e dështomin e misionin Mc Allister-Fleckenshein. Po atëherë, cila është oferta që këta të dy mbajnë në çantat e tyre e që është lakuar se do ti bashkojë palët? Ende nuk dihet, ndërkohë që është mësuar se pas takimit me Ramën  e Metën njeri nga misionarët e paqes politike shqiptare, Mc Allister do të takohet me Lulzim Bashën. Për arësye ende të pamësuara, Knut Flenkestein nuk do të jetë i pranishëm në të. / Citynews





Lajmet e fundit nga