E fundit!

09:13 Kronika

Vodhën rreth 700 milionë lekë të pensioneve dhe ndihmave sociale/ Në pranga tri zyrtaret e Postës Shqiptare

Një rast skandaloz dhe kriminal është regjistruar në Durrë...

Zgjedhja e Presidentit/Loja Rama-Meta për të nxjerrë nga çadra opozitën

20 Prill 2017, 09:28, Aktualitet CNA

Të gjitha të dhenat flasin për një lojë të paramenduar mirë nga kryeministri Edi Rama dhe kryeparlamentari Ilir Meta lidhur me zgjedhjen e Presidentit të ri nëpërmjet një procedure që si finale të ketë nxjerrjen me lezet të opozitë nga çadra e protestës.

Sinjalet e para të kësaj loje janë dhenë dje, kur në ngut e sipër Parlamenti i dy grupeve politike PS-LSI e shpalli të ezauruar raundin e parë të votimit të Presidentit, pa patur asnjë kandidat. Por votimi pa një emër konkret kandiati pritet të ezaurohet edhe në seancën e sotme Plenare të Kuvendit, gjë që e paralajmëroi pas seancës së djeshme vetë Ilir Meta.

Çka do të thotë që dy seancat Plenare të zhvilluara në kundërthënie me kapitullin kushtetues, që raundin e dytë e parasheh të zhvillohet shtatë ditë pas të parit, të jenë formale. Përse ky ngut dhe për më tepër duke anashkaluar kushtetueshmërinë e procesit?

PS dhe LSI pritet të djegin të gjitha raundet e zgjedhjes së Presidentit për ta shpenë vendin në zgjedhje të parakohëshme, duke futur në to edhe opozitën, kumtonte në një shkrim të sotën Panorama, duke sjellë edhe opsionet e kësaj skeme.

Në rastin e zgjedhjes së Presidentit të ri Kushtetuta parasheh se vendi shkon në zgjedhje të parakohëshme kur edhe pas raundit të katërt e të pestë, që kërkojnë 71 vota deputetësh, kreu i ri i shtetit nuk arrin të zgjidhet. Përcaktimin Kushtetuta e ka në pikat 5,6 të nenit 87, ku lexohet:

?Në rast se edhe pas votimit të pestë asnjë kandidat nuk siguron shumicën e kërkuar, ose kur pas votimit të katërt pa sukses nuk paraqitet asnjë kandidaturë e re Kuvendi shpërndahet. Zgjedhjet e reja zhvillohen brenda dyzet e pesë ditëve nga shpërndarja e tij. Kuvendi pasardhës e zgjedh Presidentin e Republikës me shumicën e të gjithë anëtarëve të tij?.

Në referim të kësaj procedure kushtetuese Rama-Meta kanë projektuar ta shpien vendin drejt zgjedhjeve të parakohëshme duke i hapur rrugën opozitës të justifikojë daljen nga çadra, ose kthimin në Parlament.

?Periudha e zgjedhjes së kreut të ri të shtetit përkon dhe me ardhjen në Tiranë, më 24 prill të negociatorit gjerman të PPE-ve, David Mc Allister. Deri atëherë maxhoranca duket se do ti djegë tre raundet e para të zgjedhjes së Presidentit, që kërkojnë 84 vota, pa kandidat, për t?ja lenë vendin raundit të katërt dhe të pestë, kur mjaftojnë vetëm 71 vota për ta zgjedhur atë. Kjo pritet të jetë oferta e fundit për përfshirjen e opozitës në zgjedhjen e kreut të shtetit?, analizon panorama.

Mirëpo nëse edhe kjo ofertë nuk do të ketë rezultat, nëse edhe mediatori gjerman Mc Allister nuk ja del ta zhbllokojë ngërçin dhe opozita të vijojë të qendrojë në çadër, çfarë pritet të ndodhë?

E vetmja rrugë mbetet mbajtja e zgjedhjeve të parakohëshme brenda 45 ditëve. Pra nëse Parlamenti shpërndahet në fund të Prillit i bie që votimet të bëhen tre ditë para datës 18 qershor të dekretuar sakaq nga Presidenti, pa patur nevojë për ndryshime në Kodin zgjedhor. Njëherësh kjo e obligon KQZ të vendosë afate të reja, qoftë për regjistrimin e partive e listave të deputetëve, ashtu edhe të koalicioneve, afati i të cilave kushtetueshmërisht është djegur./ CityNEWS