web counter
LEXO PA REKLAMA!

SHKARKO APP

App Store
Google Play

E fundit!

x

Kreditë/ Lavatriçe pastrimi e parave të pista?!

20 Prill 2017, 11:26, Aktualitet CNA

Të dhenat lenë vend për dyshime të arsyeshme. Në më shumë se shtatëdhjetë përqind të tyre formularët e vetëdeklarimit të pasurive, nga shtetasit që ligji i detyron ta bëjnë këtë gjë, gjendet i shënuar kreditimi. Domethenë marrja e kredive bankare. Madje kolona e marrjes së kredive rezulton e raportuar edhe në pothuajse më shumë se nëntëdhjetë përqind të bizneseve të cilët prej dekadash deklarojnë se gjenden të zhytur në kredi të frikëshme, që vetëm ata nuk friksësojnë.

Deputetë, politikanë,bisnesmenë e tregëtarë (madje dhe çertexhinj), deklarojnë se kanë marrë shuma të konsiderueshme kredish. Ca për të shtyrë më tej aktivitete private, të tjerët për të blerë apartamente të dyta e të treta, që dihet se nuk mundësojnë nxjerrjen e parave, por janë investime të ngurtësuara.

Edi Rama në vetëdeklarimin më të fundit të pasurisë, në kolonën?Detyrime financiare ndaj personave juridike dhe fizike?, shënon se vijon të jetë borxh i kredisë së marrë në bankë, në shumën 80 mijë euro, së bashku me bashkëshorten.

Po me kredimarrje rezulton i vetëdeklaruar edhe Ilir Meta, që në po të njejtën kolonë shënon motivin: ?Kredi për blerje aparamenti? dhe shumën 155 mijë euro. ?Burimi sipas kontratës së shitjes së apartamentit të banimit dhe marrëveshjes për zëvendësin debitori, më dt. 25.02.2016?, lexohet më poshtë në deklarimin e kryetarit të Parlamentit. Ndërkohë nuk figuron të jetë kredimarrëse, në vetëdeklarimin e bërë, bashkëshortja e tij, deputetja Monika Kryemadhi, që vetëdeklaron se ka shitur nja katër apartamente banimi.

Referuar formularëve të vetëdeklarimin, i zhytur në kredi rezulton të jetë edhe presidenti Bujar Nishani me të shoqen. Destinacioni është për blerje apartamenti dhe mobilim shtëpie.

Me kredi të marra rezulton edhe Bashkim Dedja, kryetar i Gjykatës Kushtetuese, si edhe pothuajse të gjithë gjyqtarët e prokurorëve e arradhës së punonjësve të sistemit të drejtësisë të akuzuar për fshehje pasurish të pamerituara.

Referuar disa denoncimeve e deklaratave të policisë së krimit ekonomik, asaj kundër trafiqeve etj., por edhe Drejtorisë së Pastrimit të Parave të pista, mëson se edhe grupet kriminale të kripura me para të pista të rrjedhura nga trafiqet, ne jo pak raste dalin të zhytur në kredi të rënda të marra nga bankat kundrejt rregullave e ligjeve respektive. Një forëm transaksioni financiar ky, që sipas ekspertëve, shërben për të pastruar paratë e pista./ CityNEWS





Lajmet e fundit nga