web counter
LEXO PA REKLAMA!

SHKARKO APP

App Store
Google Play

E fundit!

x

Fiks Fare/ Albpetroli, kontroll punonjësve me GPS!

13 Prill 2017, 21:13, Aktualitet CNA

Shoqëria shqiptare e naftës, Alpetroli, do iu vendosë punonjësve GPS. Nëpërmjet një tenderi, kompania e prodhimit dhe tregtimit të produkteve të naftës synon zgjerimin e monitorimit të punonjësve për menaxhimin dhe rritjen e eficencës në punë. “Fiks Fare” ka siguruar dokumentet e këtij tenderi, i cili ka si objekt ?Blerje GPS personal dhe GPS automjetesh? me fond 15 635 000 lekë të rinj. Kohëzgjatja e kontratës ose afati kohor për ekzekutimin është 40 ditë.

Në dokumente thuhet se pajisja e punonjësve me GPS ka ardhur për problematikat e shfaqura më parë, në prezencën në orar në punë, kohët e zgjatura të pushimit, eficenca e ulët gjatë orarit të punës dhe mos paraqitja në vendin e punës. “Zgjerimi dhe implementimi në masë i këtij projekti jep mundësinë e kontrollit të plotë të gjithë punonjësve të terrenit dhe jep mundësinë Albpetrol sha të rrisë eficencën dhe kontrollin për prezencën dhe pozicionin e punës” thuhet në këto dokumente.

Ndërkohë, objektivi i shoqërisë shtetërore është rritja e kontrollit në distancë për pjesëmarrjen në punë, gjurmimi i të gjithë procesit të punës që të mbulojë çdo hap nga identifikimi i shkeljeve, në përcaktimin e kategorisë së gjobës dhe deri në shlyerjen e saj. Qëllimi i këtij projekti është ndërtimi i një sistemi të integruar për Albpetrol sha për menaxhimin e të gjitha shkeljeve të identifikuara në lidhje me eficencën dhe kontrollin e punonjësve ne terren duke u bazuar në legjislacionin në fuqi.

Alpetroli është shoqëria shtetërore e prodhimit dhe e tregtimit të naftës si dhe monitoron marrëveshjet e hidrokarbureve. Aktualisht, kjo kompani operon në disa qytete; Kuçovë, Roskovec, Patos, Ballsh, Fier, Vlorë, Delvinë, Lushnje etj., etj. Me rimarrjen e disa vendburimeve të naftës e gazit, punëtorët e kësaj shoqërie kanë shkuar mbi 5 mijë punonjës./CityNews





Lajmet e fundit nga