E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Presioni i fundit i Metës-Tërheq ministrat/Ja si bie qeveria

10 Prill 2017, 07:28, Aktualitet CNA

Kreu i LSI Ilir Meta, provokon edhe njëherë aleaten e saj në qeveri. LSI mund të tërheqë nesër ministrat nga kabineti me argumentin për zgjidhjen e krizës politike në vend, por ky fakt mund ta thellonte më tej ndarjen.

Burime pranë kryetarit të kuvendit i thanë CityNews, se Ilir Meta e ka shprehur publikisht që LSI ishte e gatshme të dorëzonte karriget e saj në funksion të zgjidhjes së krizës dhe këtë ai e ka artikuluar rreth një javë më parë.

Meta mund të tërheqë ministrat e tij, por kjo mund të provokojë edhe rrëzim të qeverisë. Në bazë të kushtetutës dy janë mënyrat, me mocion besimi që bëhet nga vetë kryeministri dhe mocion mosbesimi që kërkohet nga një shumicë e re parlamentare e cila duhet të ketë kryeministër alternativ me program që ta paraqesë në kuvend.

Tërheqja e ministrave mund të provokojë mocionin e besimit, çka sjell edhe zgjedhje brenda 45 ditëve në rast se Rama nuk siguron 71 vota, nga ana tjetër mocioni i mosbesimit mund të sjellë një qeveri të re e cila mund të mos quhet teknike por mund të krijojë kushtet të PD dhe opozita të hyjnë në zgjedhje.

Por Rama, mund të përdorë edhe precedentin e vitit 2004, kur ish-kryeministri Fatos Nano në mungesë të mazhorancës parlamentare qeverisi me zv/ministra.

Meta po luan çdo skenar të mundshëm, jo vetëm në tavolinë por edhe publikisht. Kreu i LSI si shpesh herë hedh në tregun politik teza për levizjet e tij, por ato janë pak të besueshme. Tashmë mediat dhe shqiptarët janë mësuar me kapërcimet që ai i bën ylberit, nga kërcënimet në dorëzime pa kushte. Këtë herë ai ka thirrur një seancë të jashtëzakonshme me argument votimin e intitucioneve të vettingut. Kjo thirrje duket të jetë e pavlerë për sa kohë opozita është jashtë kuvendit, por ky për Metën mund të jetë një rast për të shkuar më thellë në përballjen me kryeministrin Edi Rama.

Në fakt lëvizjet e Metës dhe shpalljet e tyre përpara në media, duket të jenë pas ose aspak të besueshme, ato duken më shumë si konsum i përditshëm politik që mund ti ccojë në thes disa vota LSI.