web counter
LEXO PA REKLAMA!

SHKARKO APP

App Store
Google Play

E fundit!

x

Pse Rama s'ka të drejtë të garojë në zgjedhje si kryeministër

10 Prill 2017, 07:10, Aktualitet CNA

Në një situatë të tendosur politike dhe në një afat zyrtarisht të skaduar të regjistrimit të partive politike për zgjedhjet e 18 Qershorit, analisti Preç Zogaj ka bërë një rezyme të shkurtër të asaj që e detyron Ramën të mos shkojë në këto zgjedhje si kryeministër, por të japë dorëheqjen dhe të shkojë i barabartë me të tjerët.

Në një shkrim për Panoramën, Zogaj thotë se Rama nuk ka pse të japë dorëheqjen se nuk ka mbajtur premtimet, për gafat e politikës së jashtme apo sepse në qeverisjen e tij, korrupsioni në vend ka pësuar rritje, por për gënjeshtrën e madhe që i serviri popullit me 8 tetor të 2016, kur u mbajt konferenca e famshme për shtyp dhe u dha lajmi se qeveria e tij në bashkëpunim me Guarda di Financa kishte arritur të asgjësonte 99.98% të hashashit të mbjellë në vend.

?Unë i rikthehem karnavalit të 8 tetorit. Aty mohohet, zhurmohet e mbulohet me dashje e vërteta tronditëse e kanabizimit të vendit në shkallë të gjerë. Epo aty u jepet mesazhi narkotrafikantëve që të vazhdojnë punën e tyre kriminale. Dhe është e qartë si drita e diellit dhe e vërtetuar me fakte se Rama ka gënjyer.”

Jo vetëm kaq, Zogaj thotë ndër të tjera se janë këta narkotrafikantë që kanë pushtuar qeverinë e tij dhe do të pushtojnë  edhe zgjedhjet e qershorit, duke bërë pamundësimin e mbajtjeve të tyre. Në përfundim Zogaj shton se në një situatë të tillë, në të cilën ndodhet vendi asnjë parti nuk duhet të pranojë të regjistrohet në zgjedhjet e 18 Qershorit./CityNews





Lajmet e fundit nga