Çkërkon në çadrën e lirisë vorio-epiroti Fredi Beleri

10 Prill 2017, 18:51, Aktualitet CNA

Fredi Beleri, ka qenë pjesë e çadër-protestës së PD, duke ndezur replika midis palëve për faktin se me pjesëmarrjen e tij e kompromenton jo pak autoritetin e çadrës së ngritur në emër të mbrojtjes së lirisë.

Pasi Beleri, më tepër se drejtues i një shoqate himariotësh, rezulton të jetë kontigjent i atyre lloj shqiptarëve, të cilët ndërsa hanë bukën e Shqipërisë, i shërbejnë qarqeve shoviniste greke.

Në këtë pikë Beleri është antikombëtarist, gjë që e ka manifestuar jo vetëm në organizimin e disa protestave me frymë shoviniste greke në Himarë, por edhe me vënien në shërbim të organizatave terroriste të këtij lloji.

Sipas të dhenave të konfirmuara tashme, Fredi Beleri, ka qenë njëri nga 8 terroristët e komandos greke ?Pirro?, pjesë e ?Fronti Për Çlirim e Vorio Epirit?- MAVI, që në 10 Prill 1994, goditën postën kufitare shqiptare të Peshkëpisë. Në këtë vit në qeverisje të vendit ishte pikërisht PD-ja, e cila, jo vetëm e dënoi ashpër aktin, por edhe e ndërkombëtarizoi sulmin, që i morri jetën dy pjesëtarëve të Forcave të Armatosura shqiptare.

Për këtë pjesëmarrje Fredi Beleri u dënua penalisht, por kurrë nuk arriti ta vuaj dënimin në Shqipëri për arësye se gjeti vendstrehimi të sigurt në Greqi.

Në tetor të viti 2003, Fred Beleri do të bëhej sërish një prej protagonistëve të përplasjeve të dhunshme ne qendrën e votimit, në Himarë, ku pas dhunimit të simboleve kombëtare dhe thirrjeve anti-shqiptare, së bashku me katër persona të tjerë u dënua në mungesë me tre vite burg, të cilat edhe këtë herë nuk i vuajti.

Në vitin 2015 ai u përzgjodh nga PBDNJ-OMONIA si kandidat garues për Bashkinë e Himarës. Ndërkohë që siguroi mbështetje nga politikanë dhe deputetë ekstremistë të djathtë grekë, qeveria greke, nëpërmjet një note zyrtare i bënte me dije homologes shqiptare se distancohej nga kandidatura e Belerit etj…

Për të njohur më mirë Fredi Belerin e pjesëmarrë në çadrën e lirisë së opozitës do të mjaftoj një klikim i identitetit të tij në google dhe në të gjitha sajdet që do të hapen do të ndeshësh vetëm antishqiptarizimin e tij. Dhe qënien një shovinist recidivist grek, sigurisht. Po atëherë çpunë ka ky tip në çadrën e lirisë? Vërtetë që çadra është e hapur për të gjithë, por dreqi e morri, dikush duhet të selektojë, për të moslejuar hyrjen, më së paku, të antishqiptarëve të llojit Beleri, që e kompromentojnë hapur ndjenjën atdhetare./ CityNEWS