web counter
LEXO PA REKLAMA!

SHKARKO APP

App Store
Google Play

Çfarë po ndodh me rrugën Tiranë-Elbasan?!

10 Prill 2017, 17:58, Aktualitet CNA

Deputeti i Partisë Demokratike, Luçiano Boçi, ka hedhur akuza të ashpra ndaj qeverisë, duke thënë se nuk ka mbajtur premtimet.

Boçi është ndalur te rruga Tiranë-Elbasan, duke shkruar në rrjetet sociale se po afron muaji maj dhe rruga nuk ka gjasa të përfundojë, përveç pjesës së Mulletit.

Sipas tij, zvarritja e kësaj rruge ka dëmtuar banorët e trevës së Elbasanit dhe të Shqipërisë juglindore.

Ja reagimi i plotë:

Pas dhënies së shumë afateve për mbarimin e saj përgjatë përplasjeve në parlament, që nuk u mbajtën asnjëherë, i fundit fare për të cilin u betuan deputetë e Ramë bashkë, ishte Marsi 2017. Katër vite plot për të bërë vetëm 13 km!
Marsi iku e po afrohet Maji dhe rruga nuk ka gjasa të përfundojë, përveç pjesës së Mulletit. Këtë do e shesin me siguri si arritje të madhe në “fushatë” dhe po e shtyjnë në momentin e duhur.
Shuma e sotme e akorduar që pasoi debatet në komision e që bën gati sa një tunel, duhet të ishte miratuar 3 vite të shkuara, kur dhe firma ACTOR e kërkoi me ngulm.
Zvarritja e kësaj rruge ka dëmtuar banorët e trevës së Elbasanit dhe të Shqipërisë juglindore. Fobia e Ramës ndaj saj ka qenë emblematike, ndërsa reagimi ndaj kësaj mosvëmendje nuk ka marrë ende atë që vërtet meriton.
Nga “dashuria” për Elbasanin Rama i hoqi atij rrugën e i solli “Kombinatin” e djegies së plehrave. “Lumturia” vazhdon….!!!???/CityNews





Lajmet e fundit nga