web counter
LEXO PA REKLAMA!

SHKARKO APP

App Store
Google Play

Igli Totozani takim të veçantë/Ja kë priti sot në zyrë

7 Prill 2017, 10:29, Aktualitet CNA

Avokati i Popullit, z. Igli Totozani, priti sot në një takim të veçantë z. ?eref Malkoç, Kryetar i Auditit Publik (Ombudsman) i Republikës së Turqisë, i cili shoqërohej nga z. Hidayet Bayraktar, Ambasadori i Republikës së Turqisë, në Tiranë.

Në këtë takim, z. Totozani dhe z. Malkoç theksuan rëndësinë e intensifikimit të bashkëpunimit mes dy institucioneve, si dhe u angazhuan për axhenda të përbashkëta në të ardhmen, edhe në kuadër të pjesëmarrjes në organizma ndërkombëtare.

Pranimi i Ombudsmanit të Republikës së Turqisë si anëtar me të drejta të plota i Shoqatës së Ombudsmanëve të Mesdheut (AOM), ku z. Totozani është President, u konsiderua si një lajm shumë i mirë për bashkëpunime të mëtejshme. Avokati i Popullit, z. Igli Totozani, garantoi mbështetje për anëtarësime të reja të Ombudsmanit të Turqisë, në institucionet ndërkombëtare të mbrojtjes së të drejtave të njeriut. Gjithashtu, z. Totozani e njohu homologun e tij turk edhe me mënyrën e funksionimit të institucionit të Avokatit të Popullit në Shqipëri, si dhe me angazhimet konkrete në fushën e mbrojtjes së të drejtave të njeriut, por edhe me detyrat e ngarkuara nga ligji për zbatimin e Reformës në Drejtësi.

Kryetari i Auditit Publik të Republikës së Turqisë, z. ?eref Malkoç, e ftoi Avokatin e Popullit, z. Igli Totozani, për një vizitë zyrtare në Turqi, ftesë kjo, që u mirëprit me kënaqësi./CityNews





Lajmet e fundit nga