E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

SULMI MBI SIRI/ Shtetet që i mbështesin dhe i kundërshtojnë bombardimet

7 Prill 2017, 09:43, Aktualitet CNA

Mëngjesin e sotëm,sikurse tashmë është bërë e ditur, marina amerikane e Mesdheut ka lëshuar pesëdhjetë e gjashtë raketa të tipit ?Tomahaëk? aeroportin ushtarak dhe zonën ku u përdorën armët kimike.

Pas sulmit, me synim dhenien e një përgjigjeje paralajmëruese regjimit të Bashar Al-Asadit, kanë reaguar edhe vendet perëndimore, por edhe Turqia, Rusia dhe Irani. Ja disa nga reagimet kryesore të publikuara nga medi të ndryshme botërore:

Turqia: Kryeministri i vendit Kurtulumus e mirëpriti aksionin. Ai i tha televizionit ?Fox? turk se qeveria siriane duhej të ndëshkohej.

Mbretëria e Bashkuar: Britania mbështet sulmin e SHBA-së, ardhur pas: ?Përdorimit barbar të armëve kimike nga qeveria siriane?, ka thenë një zëdhënës i kryeministres Theresa May.

Polonia: Një zëdhënës i qeverisë polake e mbështeti sulmin, duke thënë se: SHBA është garantues i paqes në botë.

Franca: Ministri i Jashtëm, Jean Marc Ayrault, u shpreh se ishte informuar para se të niste sulmi. Përdorimi i armëve kimike është i tmerrshëm dhe duhet të ndëshkohet, pasi është krim lufte, ka thënë ai.

Irani: ?Irani dënon përdorimin e armëve kimike, por, në të njëjtën kohë, mendon se është e rrezikshme dhe shkelje e ligjeve ndërkombëtarë ta përdorësh këtë si një justifikim për të ndërmarrë aksione?, tha zëdhënësi i Ministrisë së Jashtme të Iranit për ISNA. ?Irani e dënon sulmin e SHBA-së, pasi kjo vetëm sa forcon terroristët në Siri dhe do të ndërlikojë situatën në Siri dhe rajon?, shtoi zëdhënësi.

Rusia: ? Sulmi dëmton në mënyrë të konsiderueshme lidhjet SHBA-Rusi?, ka vlerësuar zëdhenësi i Kremlinit, duke shtuar se sulmet ishin: ?një pretekst i shpikur? duke pretenduar se ushtria siriane nuk po përdorur armë kimike. Ndërkohë, duke ruajtur linjën e njohur, presidenti rus Vladimir Putin i sheh sulmet si një përpjekje për të shmangur vëmendjen e botës nga vdekjet e civilëve në Irak, ku 150 persona kanë humbur jetën pas sulmeve ajrore të koalicionit./ CityNEWS