web counter
LEXO PA REKLAMA!

SHKARKO APP

App Store
Google Play

E fundit!

x

Monitorimi dhe analiza-Beteja në media/Basha-Rama në garë, dështon Ilir Meta

7 Prill 2017, 07:55, Aktualitet CNA

Dje në mbremje tre drejtuesit kryesorë të politikës në Shqipëri, kishin një garë. Këtë herë jo me votat por me audiencën në media e cila është një sondazh më vete paraelektoral.

Kryeministri Rama ishte në News24 me Ylli Rakipin në një bisedë të fortë, debat të ashpër me drejtuesin, ironi dhe përplasje të forta. Kreu demokrat Lulzim Basha ishte në Opinion me Blendi Fevziun, ku siç ndodh me opozitën pati gjithë tolerancën e moderatorit për të shpalosur alternativën dhe zgjidhjet e tij.

Nga matjet e bëra audiencës nga kompanitë që operojnë në Shqipëri, Opinioni rezulton me audiencë më të madhe, i ndjekur fort nga News24. Por po të kemi parasysh edhe forcën e ekranit dhe rendësinë e vetë emisionit politik, audienca e djeshme e Ylli Rakipit mund të quhet një fitore e madhe televizive.

Por përballë dy krerëve të PS dhe PD, qëndronte Ilir Meta, me Dritan Hilën në Ora-News. Megjithëse Meta ka qenë lajmi i ditës, njeriu që turbulloi politikën fundjavën e shkuar, por audienca dje ishte sa vlen vetë LSI dhe Meta. Ai me qëndrimet e tij u duk se i vendosi kushte Ramës dhe ishte afër Lulzim Bashës, ai po shihej si njeriu politik i vitit në Shqipëri, por ditë pas dite u venit. Lojrat e Ilir Metës dhe qëndrimet pa thelb, as mish e as peshk kanë bërë që ky i fundit të humbasë edhe audiencën në media.

Stili i Ilir Metës duket të jetë i vjetër, intriga dhe qëndrime për përfitime të momentit, në daljet mediatikë nuk bën kurrë lajm, hedh një hap para por menjëherë bën dy hapa pas.

Dje intervista e tij ka qenë një dështim spektakolar, jo për faj të gazetarit por për faj të vetë Metës dhe ekranit ku u shfaq.

Sipas monitorimeve rezulton me një audiencë minimale, diku dhe e papërfillshme. Më pak se Top Story në Top Channel ku kishte në transmetim, thjesht siglën.

Meta dje kishte një dështim që në fakt nuk ishte i pritshëm. Një dështim që erdhi për shkak të lëvizjes së qëndrimeve të tij politike. Audienca e djeshme tregon vlerën reale të Metës në opinionin dhe elektoratin shqiptar. Ilir Meta mund të ketë  vota për shkak të influencave korruptive dhe klienteliste, por realisht në rast se dy partitë e mëdha e nxjerin jashtë dhe ai garon i vetëm, Meta do ketë në përfundim aq vota dhe mandate sa audienca e djeshme. Ato mund të jenë minimum, por që i duhen njërës apo tjetrës palë në momente të ndryshme, dhe zgjidhja për palët është vetëm një. Skena politike shqiptare duhet të jetë dy polare dhe vendin e Ilir Metës e kanë përcaktuar tashmë shqiptarët, jo vetem me audiencë, por me qëndrimet e tyre të forta. Njeriu i vjetër dhe i korruptuar i politikës Ilir Meta, tani nuk shitet do më si një i ri ndryshe. Ai është thjesht Ilir Meta që ka qenë kryeministër, i akuzuar për miliona euro afera korruptive, njeriu i pazareve mbi të cilin rendojnë katër viktima, njeriu që për përfitimet e tij politike destabilizon vendin, Meta është problemi i vërtetë i vendit dhe jo zgjidhja, përgjigjen e kishte edhe audienca e djeshme në media./Citynews





Lajmet e fundit nga