web counter
LEXO PA REKLAMA!

SHKARKO APP

App Store
Google Play

Basha: Ka marrë fund shfaqja me kukulla/ Çadra është mankthi i Ramës dhe kupolës së krimit

5 Prill 2017, 10:17, Aktualitet CNA

Nga çadra e protestës, kreu i PD, Lulzim Basha akuzoi qeverinë si përgjegjëse për ekonominë e dobët. Apelit të vazhdueshëm nga pala tjetër për dialog, ai tha se duhet të jetë me standarte europiane dhe jo të kthehet në pazar ekonomik.

?Republika e vjetër është një komplot kundër çdo qytetari, i ri apo i moshuar, me shkollë të ulët, apo me arsim të mesëm, i papunë apo biznesmen i ndershëm. Republika e vjetër është një komplot kundër të gjithë ju bashkë, por para se të jetë një komplot politik, republika e vjetër është një komplot ekonomik. Debati dhe diskursi politim i republikës së vjetër është vetëm teatri i kukullave. Si mundet ndryshe të mbahet në pushtet një klik, një grusht njerëzish që rrisin taksat, që nuk bëjnë asnjë investim, nuk hap asnjë vend të ri pune, por mbyll qindra mijëra biznese. Rritje pagash zero dhe pseudo rritjen e premtuar nuk shlyehet asnjë 1/3 e efektit grryes të inflacionit.  Vende pune jo, investime jo, rritje pagash e pensionesh, jo,vetem rritje taksash?, deklaroi Basha.

“Me këtë republike të vjetër, me këtë komplot politik dhe ekonomik, jo ndaj PD, por ndaj gjithsecilit  ndaj qytetarëve, e vetmja forcë që mund ta ndajë, që mund ta përmbyse jeni ju, është bashkimi i qytetarëve shqiptarë. Ja pse bashkimi popullor i 18 shkurtit dhe protest nonstop në këtë çadër të lirisë është mankthi i Edi Ramës dhe kupolës së republikës së vjetër. Për herë të parë në 4 vite shfaqja me kukulla ka marë fund dhe populli është bashkuar për të marë në dorë fatet e tij. Për herë të parë, interesat e republikës së vjetër kërcënohen, sepse kërcënohen pushteti i tyre sepse bashkimi popullor ka marë vendim se as nuk do të hyjë, as nuk do të pranojë zgjedhje fasadë, zgjedhje të teatrit të kukullave zgjedhje të politikanëve të korruptuar e të inkriminuar?, përfundoi Basha. /CityNews

 

 





Lajmet e fundit nga