web counter
LEXO PA REKLAMA!

SHKARKO APP

App Store
Google Play

E fundit!

x

SUPER SKANDALI-Ora News hedh në rrugë gazetarin e infiltruar në rrjetin e drogës

4 Prill 2017, 08:50, Aktualitet CNA

Mediat shqiptare dhe pronarët e tyre në vaçanti vazhdojnë ti trajtojnë gazetarët si njerëz pa të drejta dhe thjesht shërbëtorë të momentit, më pas hidhen në rrugë si të ishin mall një përdorimsh.

Rasti më flagrant ka ndodhur së fundi në televizionin Ora News, ku një prej gazetarëve të stafit të emisionit Boom është hequr nga puna pasi ka realizuar infiltrimin në një rrjet shpërndarësish droge.

Enver Bogdani, gazetar investigativ në Boom, ishte pjesë e emisionit që nga tetori 2016, ku ka realizuar me dhjetra tema sociale, shoqërore dhe investigative, kryesisht me kamera të fshehta. Bogdani u infiltrua në një rrjet shpërndarësish droge, siç e theksojnë edhe prezantueset e emisionit. Ky investigim për shpërndarjen e drogës u transmetua në Boom në datën 18 janar dhe Citynews më poshtë po sjell edhe pjesë të këtij emisioni.

Investigimi dhe denoncimi publik i ka sjellë jo pak probleme gazetarit. Ndaj tij kanë filluar kërcënimet dhe presionet nga personat që bleu drogën. Këto kërcënime ai i ka referuar pranë drejtueses të emisionit Mimoza Picari, e cila sipas Enver Bogdanit i është shprehur ?do shikojmë çdo bëjmë por çfarë të bëj unë?.

?Janë të paktën tre raste që kam komunikuar me Picarin për këcënimet që më vinin, dhe nuk kam komunikuar me gazetari enver bogdanidrejtues të tjerë të televizionit pasi Mimoza deklaronte se gjithçka e keni me mua dhe me askënd tjetër?, u shpreh Bograni për Citynews.

Më tej gazetari vazhdon rrëfimin e tij duke thënë se ?ditën e hënë në datë 27 shkurt në orën 14.30 më shumë se një muaj nga dalja e emisionit dhe pas rastit të tretë të kërcënimit në 24 shkurt, më thërret në zyrë administratori i televizionit Bledar Dardha, menjëherë mendova se më thirri për problemin e kërcënimit. Në fakt ai më tha ? më thanë nga lart të të them që je i pushuar nga puna. Më vjen keq që po ti them këto fjalë?. I kërkova që të më jepte zyrtarisht arsyet e shkarkimit pasi kisha edhe një kontratë 3-vjeccare pune, por ende dhe sot nuk kam marrë një përgjigje zyrtare.

Bogdani shprehet më tej se ju drejtua administratorit të Ora-News Bledar Dardha duke i thënë  unë vij dhe ju them se jam kërcënuar për llogari të emisionit, ju më thoni je i pushuar nga puna?. Pas këtij kontakti në zyrën e tij komunikimet e tjera kanë qenë telefonike për këto probleme.

I pytur nga Citynews se cilat mund të jenë arsyet e vërteta të pushimit nga puna, gazetari Enver Bogdani tha se nuk e kam fare idenë pse më kanë hequr, në fakt nuk më pushuan, por me vunë shkelmin. ?Ndoshta ka lidhje me infiltrimin në investigimin e shpërndarjes të drogës, për faktin sepse nuk mu dha mbështetja që kërkova pas daljes të emisionit dhe kërcënimeve?, thekson Bogdani./Vijon Citynews

 





Lajmet e fundit nga