PASTRIMI I PARAVE/ Politikani që fshihet pas të afërmve

4 Prill 2017, 08:14, Aktualitet CNA

Në raportin vjetor të Drejtorisë së Parandalimit të Pastrimit të Parave(DPPP), së bashku me rastin e përfshirjes në këtë aktiviteti të familjarëve të një politikani ndër të tjera, jepet edhe funksionimi i skemës se përdorur.

Në citim të rastit, raporti përmend dy të afërm të një politikani, si të përfshirë në këtë aferë. Ata identifikohen si ?A? dhe ?B”. Shtetasi ?A?, 26 vjeç, gjatë vitit 2013, në një periudhë të shkurtër kohore, ka lidhur 4 kontrata për marrje hua të një shume totale prej 110.000 Euro, nga katwr shtetas të ndryshëm shqiptarë.

Sipas raportit, shtetasi ?A? rezulton të jetë familjar i ngushtë i një politikani. Dyshimet ndaj tij kanë lindur nisur nga mosha e vogël, si dhe verifikimi i të dhenave vetwdekalruese tw politikanit.

Në hetim të mëtejshëm ka rezultuar se ?A? së bashku me vëllanë e tij, shtetasin ?B?, kanë regjistruar në maj të vitit 2011 shoqërinë ?L? shpk, që ka si objekt veprimtarie ?dhënie me qira të automjeteve?. Pak ditë pasi është regjistruar, kjo shoqëri ka lidhur një kontratë financim qiraje në shumën 130.000 Euro ?për blerje automjetesh?, nga të cilat 90.000 Euro janë financuar nga një kompani ?leasing? dhe diferenca (rreth 40 000 Euro) është paguar nga vetë shoqëria nëpërmjet depozitimit me para në dorë të kryer nga shtetasi ?A?, që është njeri prej ortakëve vëllezër.

Në kuadër të kontratës së financimit, shoqëria ?L? shpk ka paguar 40.000 Euro për blerje automjetesh, ndërkohë që është regjistruar vetëm pak ditë para kësaj pagese (burimi i fondeve është i panjohur).

Pjesa tjetër e mbetur e shumës së marrë (90 000 Euro), nëpërmjet kontratës së financim qiraje nga shoqëria ?L? shpk është shlyer brenda një periudhe 1-vjeçare nëpërmjet depozitimeve me para në dorë nga shtetasi ?A? (aksioneri i saj), por edhe nga një shtetase tjetër, punonjëse e shoqërisë nga e cila shtetasi ?A? ka marrë një nga huatë e sipërpërmendura.

Gjatë investigimit të mëtejshëm është zbuluar se në vitin 2011 shoqëria ?L? shpk është financuar nga ortaku në një shumë të lartë prej 150 000 Euro. Në 2013 në emër të shoqërisë ?L? është lidhur një kontratë për blerje pasurie të paluajtshme në shumën 350 000 Euro, nga të cilat fillimisht janë paguar 105 000 Euro, ku burim i të ardhurave janë deklaruar huatë e marra nga shtetasi ?A?. Për periudhën 2011-2014 kjo shoqëri rezulton të ketë deklaruar pranë tatimeve fitime të vogla.

Në fund të vitit 2014 shoqëria ?L? ka kaluar në status ?shoqëri në likujdim e sipër?. Për gjithë këtë veprimtari DPPP ka depozituar një kallëzim penal në Prokurori, për të vërtetuar me fakte nëse, përveç familjarëve është i përfshirë dhe politikani, emri i të cilit për momentin nuk bëhet i ditur. / CityNEWS