web counter
LEXO PA REKLAMA!

SHKARKO APP

App Store
Google Play

E fundit!

x

Rama-Meta përballë!/A do shënojë 2 Prilli fatin e koalicionit PS-LSI?

2 Prill 2017, 19:29, Aktualitet CNA

Vetëm një ditë pas 1 Prillit, që shënonte 4-vjetorin e koalicionit qeverisës PS-LSI, Edi Rama dhe Ilir Meta janë ulur përballë njëri-tjetrit. Mësohet se Rama dhe Meta po zhvillojnë një darkë, të shoqëruar nga kryebashkiaku Erion Veliaj dhe ministri i Drejtësisë, Petrit Vasili.

Nuk dihet ende çfarë i ka bashkuar liderët e koalicionit, të cilët kohët e fundit janë përplasur vetëm në distancë, duke hedhur akuza dhe kundërakuza ndaj njëri-tjetrit.

Çështja më e nxehtë e ditëve të fundit është ajo e vijimit të koalicionit, ku të gjithë prisnin në fakt një vendim përfundimtar ditën e djeshme. Por, mesa duket këtë radhë ata kanë zgjedhur 2 prillin për të marrë vendimin e shumëpritur. Mbase data 2 prill do të shënojë fatin e koalicionit PS-LSI, nëse do të vijiojë bashkëjetesa apo palët do të ndahen këtu, për të nisur rrugën të vetëm drejt zgjedhjeve parlamentare të 18 qershorit.

Kohët e fundit, eksponentë të shumtë të LSI-së kanë kërkuar ndarjen nga PS, me pretendimin se duke garuar të vetëm mund të merrnin mbi 40 deputetë. Por, sot morën përgjigjen e fortë nga kryeministri Rama, i cili tha në Asamble se PS është forca e vetme që mund dhe do të bëjë Shqipërinë. Ai i bëri thirrje aleatit Ilir Meta, që të vendosë për koalicionin, duke shtuar se PS mund të ia dalë edhe e vetme.

Pritet të shihet nëse Meta ka marrë vendimin, për të mësuar se cili do të jetë fati i koalicionit./CityNews





Lajmet e fundit nga