E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Rilindja e Kreshnik Spahiut

29 Mars 2017, 19:42, Aktualitet CNA

Duket e pabesueshme. Pas rezultatit katastrofik për Aleancën KuqeZi në 2013 Kreshnik Spahiu ra në heshtje të plotë. Ai kishte bërë opozitë të fortë ndaj qeverisë së shkuar por gjatë fushatës elektorale refuzoi një koalicion me Ramën dhe u luftua nga të gjitha anët. Politika e të dy krahëve dhe bllokimi absolut në media. Rilindja erdhi triumfatore në pushtet me 1 milion votat e saj të famshme.

Mirëpo Kreshnik Spahiu edhe pse dikur kish realizuar një ngjitje astronomike në perceptimin publik dhe mbushte sheshe me entuziastë që valëvisnin flamurin kuq e zi, dukej se ishte nxjerrë me dhunë nga skena politike. Por, ditë pas dite, protestë pas proteste, Kreshniku vazhdoi të bënte ekzaktësisht të njëjtën gjë që mesa duket ka bërë që prej ditës së parë. Opozitë të fortë dhe parimore. Prej 18 shkurtit ai shpalli hapur bashkëpunimin me Lulzim Bashën e Partisë Demokratike dhe është ngujuar në Çadrën e Lirisë, siç është pagëzuar, në mes të bulevardit në Tiranën amë. Rilindja e Edi Ramës ia doli të dështojë me sukses në Shqipëri.

Punët për shqiptarët po shkojnë më keq se kurdoherë por mesa duket qeveria ia ka dalë të rilindë Kreshnik Spahiun. Prej ditës së parë entuziasmi i të pranishmëve për qendrimin e tij konstant në çadër (ashtu si në politikë) ka qënë i dukshëm. Mijëra foto gjen këto kohë të qytetarëve të ndryshëm të shkrepura me Nikun (siç i pëlqen kundërshtarëve ta quajnë). Por kjo foto që disponojmë është me siguri më brilantja. Sidomos po të kemi parasysh se Shqipëria është në ethet e fushatës dhe Edi Rama ka filluar të publikojë shumë foto duke puthur duar grash, nënash e shitësesh të cilat ato duar i vendosin në kokë pasi kalon bashkia apo qeveria me taksat dhe taksidarët e tyre.

Ndërsa në rastin e Spahiut është një qytetar që po i puth duart, ndoshta për ta falenderuar për mijëra flakadanët e hedhur drejt dyerve të bashkive apo ministrive rilindase. Flakadanin e fundit e hodhi të djelën kur po këndohej hymni në hyrje të Çadrës së Lirisë./KohaNews