E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Edi Rama, “kapter” në Shqipëri, Komandant Legjioni në Francë

29 Mars 2017, 17:14, Aktualitet CNA

Vizita e punës së kryeministrit Edi Rama në Francë pati si surprizë dekorimin e tij nga shteti francez me urdhërin e lartë Komandant i Legjionit të Nderit, me motivacionin për kontributin e dhenë në vendosjen e paqes në rajonin e Ballkanit.

Sikurse bëhet me dije urdhëri është themeluar nga Napoleon Bonaparti në vitin 1802 dhe motoja e tij është: Nder dhe atdhe! Jepet për merita civilë dhe ushtarake e ndahet në pesë shkallë në nivel rritës: Kalorës, Oficer, Komandant, Oficer i Lartë dhe Kryqi i Madh.

Kështu që Kryeministrit shqiptar i bie të jetë nderuar më shkallën e nivelit të tretë, një goxha klasë kjo që e rreshton atë në komandantin e 94 mijë të nderuar me këtë urdhër francez, që nga themelimi e deri më sot.

Në fakt Edi Rama nuk ështëi vetmi shqiptar i dekoruar me një të tillë urdhëri. Po të njejtin e ka merituar edhe shkrimtari Ismail Kadare, por këtu fjalën e kemi vetëm për burrat e shtetit shqiptarë të cilët bëjnë çdo sakrificë sublime për të qenë komandantë legjionesh, ndër vëndet e huaja, ndërsa në Shqipëri preferojnë e meritojnë të jenë ?kaptera?. Që do të thotë se në vend ti paqtojnë armatat politike, luajnë në një të tillë mënyre që i ndërsejnë kundër njera-tjetrës. Që në vend të veprojnë për të mbjellë paqe, prosperitet e zhvillim rezultojnë të jenë krizëmbjellës permanent dhe çadrash ngujimi, ndërsa i rreshtojnë vendet që drejtojnë ndër më të varfërit e kontinentit.

Nëse do ti referohesh historisë do të vëresh se ?Komandant shqiptar Legjioni? ka patur edhe në Egjipt. Dinastia e Mehmed Aliu e drejtoi këtë vend për 150 vjet, sikurse ?Komandant Legjioni? rezultojnë edhe 27 vezirët e Portës së Lartë sulltanore apo dhe shumë të tjerë shqiptarë që, sikurse ata, ia arritën ti ngrenë këto vënde në nivele zilindjellësi, kurse Shqipërinë e lanë në të lënguarën e përjetëshme të Balkanit. Duam të themi me këtë krahasim se, sikurse Edi Rama, edhe këta burra shteti me gjak shqiptarë, ndërsa ndër vëndet ku shërbenin mbanin tituj e gradat më të larta të hierarkisë zyrtare, nga vendi i origjinës së tyre mbetën përjetësisht të dekoruar me gradën ?kapter?. / CityNews