web counter
LEXO PA REKLAMA!

SHKARKO APP

App Store
Google Play

E fundit!

x

3 vjet në kërkim për prostitucion, vjedhje e sherr/Arrestohet shqiptari

29 Mars 2017, 19:31, Aktualitet CNA

Policia italiane arrestoi një 36-vjeçar shqiptar të shpallur në kërkim që prej dhjetorit 2014. Ndaj shtetasit Azem Jella rëndonte masa e sigurisë së arrestit me burg dhënë nga gjykata e Apelit të Ankonas, për vjedhje në banesë, posedim të pasurisë së vjedhur, rezistencë ndaj zyrtarëve publikë (efektivëve të policisë) , shfrytëzim prostitucioni dhe krime të tjera, raportojnë mediat lokale.

Azem Jella (foto) është ndjekur nga agjentët e policisë së Kasertaas prej disa kohësh, të cilët arritën ta arrestonin teksa ishte duke udhëtuar me një makinë me targa polake, e marra me qira nga një tjetër person, me iniciale D.F.. Ky i fundit, i punësuar nga shqiptari, ishte personi që i jepte makinës.

Në momentin e kontrollit, i kërkuari u tregoi efektivëve një dokument identiteti dhe një patentë rumune, që pas kontrolleve të mëtejshme rezultoi false.

Kështu, akuzave të mëparshme në ngarkim të Jellës, i shtohet edhe ajo e posedimit të dokumenteve false të identitetit. Ndërkohë, D.F. është nën hetim në gjendje të lirë për ndihmën dhe inkurajimin që i ka dhënë të kërkuarit nga drejtësia italiane./CityNews





Lajmet e fundit nga