web counter
LEXO PA REKLAMA!

SHKARKO APP

App Store
Google Play

E fundit!

x

Video e re/Ja si e sulmuan agresorët gazetarin Elvi Fundo

21 Mars 2017, 19:18, Aktualitet CNA

CityNews ka siguruar një tjetër video, ku duket qartë lëvizja e gazetarit Elvi Fundo, administrator i Best Radio (89.8) dhe drejtues i portalit CityNews.al.

Video tregon lëvizjen e tij, ashtu siç ka deklaruar dhe raportuar publikisht, por edhe pranë organeve të hetimit. Rreth orës 10:35 të datës 8 mars, ai duket duke ecur në trotuar, në rrugën që të çon drejt Stacionit të Trenit, në rrugën ?Reshit Petrela?, dhe pak çaste sapo ai afrohet te stacioni i autobusit, në video duken dy persona, të cilët nga krahu tjetër i rrugës kalojnë bulevardin. Njëri prej tyre gati sa nuk përplaset nga një mjet. Është personi i dytë me kapuç në kokë.

Më tej, videoja tregon qytetarët që ndalojnë dhe shohin pas, pra diçka po ndodh. Gazetari në ato momente është goditur me mjete të forta, dyshohet leva, askush nuk ndërhyn, të gjithë ngelen të shtangur. Në fund të videos është një qytetar, i cili shikon drejtpërdrejt mbi agresorët, që zbresin mbi një dyshezë aty pranë dhe largohen në rrugën që të çon drejt universitetit ?Beder”.

Videoja e dytë, që shihni më poshtë, është ajo e publikuar disa ditë më parë nga Policia e Shtetit, ku agresorët e gazetarit kalojnë në ambientet e një lokali, pasi kanë goditur kolegun Elvi Fundo.

Policia prej disa ditësh ka vënë në dispozicion numrat e telefonit 0694110202 dhe 0694100134 dhe shumën prej 5 milionë lekë. Ndërkohë, vetë portali CityNews.al garanton se kjo shumë do të dyfishohet nga vetë ne për të gjithë personat që do të japin informacion në lidhje me autorët e këtij akti kriminal./CityNews





Lajmet e fundit nga