E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Meta batuta me Veliajn para nxënësve/Ja pse nuk iu solli Lali Eri fiq

21 Mars 2017, 14:43, Aktualitet CNA

Kryetari i Kuvendit, z. Ilir Meta, mori pjesë në ceremoninë e inaugurimit të shkollës ?Kongresi i Lushnjes? pas rikonstruksionit. Në këtë aktivitet ishin të pranishëm gjithashtu edhe Kryetari i Bashkisë së Tiranës, z. Erjon Veliaj, Ministrja e Arsimit dhe e Sportit, znj. Lindita Nikolla etj. Kryetari i Kuvendit u njoh nga afër me disa nga ambientet e rikonstruktuara siç ishin edhe palestra e shkollës apo disa laboratorë.

Në fjalën e tij, z. Meta duke vlerësuar stafin pedagogjik të shkollës ?Kongresi i Lushnjes? theksoi se rikonstruksioni i saj do të sjellë përmirësimin e procesit të mësimdhënies.

?Për mua nuk mund të ishte një ditë më të bukur, më me diell dhe me fëmijë kaq të gëzuar e plot ëndrra për t?u rikthyer në shkollën ku unë kam mësuar abetaren dhe ku kam patur kënaqësinë t?i dhuroj mësueses sime të parë lulet e para. Këtë ndjesi e pata sot kur i dhurova lule drejtoreshës së shkollës ?Kongresi i Lushnjes?. Shumë kanë ndryshuar që atëherë. Kjo ka qenë një shkollë fillore, sot është një shkollë 9-vjeçare?, – tha Kryetari i Kuvendit, duke shtuar se ?Kongresi i Lushnjes? është një shkollë moderne sot falë angazhimit të Bashkisë së Tiranës dhe Ministrisë së Arsimit.

?Dua t?i falënderoj për këtë modernizim të jashtëzakonshëm që i kanë bërë shkollës ?Kongresi i Lushnjes? ku vërtet ke ndjesinë njëkohësisht se mund të jesh në çdo shkollë të nivelit më të lartë evropian. Në mënyrë të veçantë do të doja të falënderoj drejtoreshën dhe gjithë ekipin e mësuesve dhe stafin pedagogjik për punën plot përkushtim që bëjnë për t?i edukuar këta fëmijë me vlerat më të mira në radhë të parë qytetare, por natyrisht edhe për t?i përgatitur ata me dijet më të mira për sfidat e të ardhmes?, – theksoi z. Meta, teksa vlerësoi rolin e mësuesve në procesin e mësimdhënies.

?Unë e kam patur edhe mamanë mësuese dhe ka qenë mësuese këtu te shkolla ?Kongresi i Lushnjes? dhe e them këtë për t?u thënë të gjithë fëmijëve që duhet t?i doni shumë mësueset tuaja. Sepse ato sakrifikojnë shumë nga familja e tyre, nga fëmijët e tyre për t?ju mësuar juve dhe për të dhënë më të mirën për të ardhmen tuaj. Njëkohësisht dua të falënderoj prindërit që kanë zgjedhur shkollën ?Kongresi i Lushnjes? për fëmijët e tyre, është një shkollë që ka një histori mjaft të rëndësishme dhe që mbaj një emër mjaft të madh për historinë e Shqipërisë. Por sot jam shumë i lumtur, sepse pashë një shkollë mjaft moderne me laborator, që do t?i kishte zili çdo fëmijë edhe në vendet më të zhvilluara të Evropës dhe me mësuese të përkushtuara dhe të përqendruara për të investuar gjithë pasionin e tyre tek e ardhmja e këtyre fëmijëve që është e ardhmja e Shqipërisë?.

Në vijim të fjalës së tij, z. Meta vlerësoi edhe fëmijët që po arsimohen në shkollës ?Kongresi i Lushnjes? dhe uroi që në të ardhmen fëmijët e Shqipërisë të shohin sa më pak debate politikanësh në televizion.

?Takuam shumë mjek të ardhshëm, takuam shumë futbollistë të ardhshëm, takuam shumë shkencëtar të ardhshëm. Shpresojmë të ardhmen të takojmë më shumë politikan të ardhshëm nga kjo shkollë që të jenë më të mirë se sa ne, që të jenë më të përgjegjshëm se sa ne dhe të jenë më tolerant me njëri tjetrin më shumë se sa ne. Në mënyrë që fëmijët e Shqipërisë të shohin sa më pak politikan dhe debate politikanësh në televizion dhe të shohin sa më shumë filma apo dokumentar. Të doni njëri-tjetrin më shumë, t?i doni mësueset tuaja dhe mbi të gjitha t?i doni sa më shumë librat, laboratorët dhe dijet, sepse ajo do t?ju çoj përpara jo vetëm ju dhe familjet tuaja, por do të çojë përpara gjithë vendin dhe kombin tonë?, – tha ndër të tjera Kryetari i Kuvendit, z. Ilir Meta./CityNews