E fundit!

17:26 Politikë

Gara për Sekretarin e Përgjithshëm të PD-së/ Zbulohet emri që kandidon përballë Nokës

Partia Demokratike do të zhvillojë sot në orën 18:00 mbled...

Detajet-Shkatërrohet banda që furnizonte me drogë BE-në/“Kokë” e trafikut një shqiptar

21 Mars 2017, 13:05, Aktualitet CNA

Një operacioni i madh antidrogë është zhvilluar mes Policisë së Shtetit, Policisë Italiane dhe asaj Gjermane. Operacioni ndërkombëtar i koduar ?Il Moro 2015? shtrihej në Shqipëri, Itali e Gjermani

Në kuadër të tij janë arrestuar 8 persona, nga këta 3 në Vlorë dhe 5 në Itali. Nga të arrestuarit, 6 janë shtetas shqiptar, 1 maroken dhe 1 italian.

Hetimi ka nisur më parë nga autoritetet italiane (2015) dhe bënte fjalë për një grup të strukturuar kriminal, i cili kryente trafikun e kokainës dhe marijuanës nga vendet e ulëta të Evropës në drejtim të Italisë së Veriut.

Në përbërje të grupit ishin 9 shtetas shqiptarë, 1 shtetas italian dhe 1 shtetas maroken.

Kreu i këtij grupi konsiderohej shtetasi shqiptar B. SH. Nga hetimet e deritanishme rezulton se aktiviteti kriminal i kryer nga ky grup nuk ka lidhje me Shqipërinë.
Qendra e veprimtarisë së grupit ishte Fierence.

Janë përdorur teknika speciale të hetimit, falë bashkëpunimit midis dy vendeve janë identifikuar të gjithë anëtarët e grupit kriminal, është dokumentuar veprimtaria kriminale e këtij grupi dhe për këtë Gjykata italiane ka vendosur masat e arrestit për të gjithë pjesëtarët e grupit.

Si rezultat i operacionit të sotëm të zhvilluar njëkohësisht në të tre vendet, janë arrestuar 3 shtetas në Shqipëri, 5 shtetas në Itali si dhe pritet arrestimi i personave të tjerë në Gjermani.

Mëngjesin e sotëm janë arrestuar në Vlorë shtetasit e mëposhtëm:
B. SH, 31 vjeç; B. H,41 vjeç; dhe V. S. 56 vjeç .
Ndërkohë që në Itali janë arrestuar:
A.Ç., 31 vjeç; A. Ç.,33 vjeç; E. F., 35 vjeç; edhe këta shtetas Shqiptarë, si dhe M. S., 30 vjeç Maroken dhe R. A. 37 vjeç Italian.

Policia e Shtetit vijon punën në bashkëpunim të ngushtë dhe pa kompromis me partnerët e saj duke intensifikuar më tej goditjet ndaj grupeve kriminale që veprojnë në territorin e Shqipërisë apo në territoret e vendeve partnere. Përfitojmë nga rasti të falenderojmë partnerët dhe në veçanti Shërbimin e Bashkëpunimit Ndërkombëtar të Policisë Italiane.
Operacioni vijon ende dhe pritet rezultati edhe nga Policia Gjermane./CityNews