web counter
LEXO PA REKLAMA!

SHKARKO APP

App Store
Google Play

E fundit!

x

Sherri me armë në Bathore/ 4 të arrestuar

18 Mars 2017, 12:33, Aktualitet CNA

Policia e Tiranës ka hedhur dritë mbi një ngjarje të ndodhur një ditë më parë në Bathore, duke bërë të mundur arrestimin e katër personave. Të njëjtat burime shtojnë se janë arrestuar në flagrancë shtetasit Rasim C., 49 vjeç, banues në Tiranë,. L. C., 16 vjeç, banues në Tiranë, Altin Barlika, 38 vjeç, banues në Tiranë, K. P., 16 vjeç, banues në Tiranë.

Shtetasit K. P. dhe L. C., janë konfliktuar midis tyre për motive të dobëta. Në këtë konflikt janë përfshirë edhe shtetasit Aleksander Barlika, Altin Barlika (dajat e shtetasit K. P.) dhe Rasim C. (babai i L. C.), të cilët janë konfliktuar fillimisht me mjete të forta me njëri-tjetrin.

Policia shton se konflikti më pas është përshkallëzuar në përdorim të armëve të zjarrit. Shtetasit Aleksander Barlika (Bajrami) dhe Altin Barlika (vëllezër ndërmjet tyre) të shoqëruar dhe nga nipi i tyre K. P., kanë nxjerrë një armë tip pistolete dhe kanë tentuar të qëllojnë ndaj shtetasve L. C., D. C. dhe Rasim C., ku në këtë kohë duke përfituar nga gjendja e rremujës së krijuar, shtetasi L. C., ka marrë një armë gjahu, tip çifte, me të cilën ka qëlluar shtetasin Aleksander Barlika, i cili ka gjetur vdekjen si pasojë e plagëve të marra dhe demtime të lehta trupore shtetasi Altin Barlika.

Në vendin e ngjarjes janë sekuestruar në cilësinë e provës materiale një armë zjarri tip pistoletë TT, me një krëhër dhe 8 fishek,  një armë gjahu e tipit çifte.

Materialet proceduriale i’u kaluan Prokurorisë pranë Gjykatë së Shkallës së parë Tiranë, për veprat penale “Vrasja me dashje”, “Vrasja me dashje e mbetur në tentativë në bashkëpunim”, “Plagosja e lehtë me dashje”, “Prodhimi dhe mbajtja pa leje e armëve luftarake dhe e municionit” dhe “Moskallëzimi i krimit”. /CityNews

 





Lajmet e fundit nga