web counter
LEXO PA REKLAMA!

SHKARKO APP

App Store
Google Play

E fundit!

x

ANALIZA/8 vite në pushtet të Ilir Metës (PADRINO), nga Berisha tek Rama

18 Mars 2017, 08:38, Aktualitet CNA

Elvi FUNDO

Zgjedhjet janë në prag dhe palët po përplasen duke krijuar një krizë politike që gjithmonë shkon në favor të opozitës, dëmton forcën qeverisëse, por i krijon hapësirë edhe polit të tretë për të qenë mbi ?palët?.

LSI është forca politike e cila në fakt analizohet pak ose aspak për qeverisjën e vendit. Kreu i saj Ilir Meta përpiqet të jetë ?konsensual? dhe garant i një qeverisjeje të mirë, por asnjëherë në asnjë rast nuk flet për kostot publike dhe analizën që duhet ti behet LSI si forcë politike tashmë 8 vite në pushtet, katër me Berishën dhe katër me Ramën.

Me Berishën

Me pëshe më të vogël, me vetëm 4 mandate deputetësh Ilir Meta, hyri në koalicion me PD në vitin 2009. Mori disa ministri dhe me shumë se 20% të pushtetit. Ministri të cilat nga analiza ishin dështimi i Berishës në mandatin e dyte të qeverisë, pa folur për gryerjen dhe skandalet e Metës dhe të tijëve në çdo segment pushteti.

Ministria e Ekonomisë ishte simboli i korrupsionit dhe abuzimit me pushtetin, duke filluar nga Dritan

Prifti, Ilir Meta, Nasip Naço dhe Edmond Haxhinasto. Pa lënë mënjanë edhe ish-zv ministrin Sokol Dervishaj. Ministria më e akuzuar, më problematike, skandale që nuk ndaleshin, kulmin e kapi me videon Meta-Prifti dhe katër viktima në bulevard për ?Bllokun e Likes?.

Më pas pati të tjera abuzime siç ishin tenderat e 300 mijë ton naftë bruto, që prokuroria nuk i hetoi kurrë, pa harruar shitjen e Albpetrol, ku Dervishaj firmoste zhdukjen e garancisë prej 85 milionë dollarë.

Mjafton kjo ministri për të kuptuar se çfarë bënte ?banda? e LSI në qeverinë Berisha. Konçesionet, lejet minerare, AGBN etj etj. Vegla korrupsioni që shpartallonin biznesin dhe vendosnin “taksën e shërbimit” në emër të LSI-së dhe xhepit të tyre. Në rast se qeveria Berisha dështoi diku, ajo ishte aty ku qëndronte dhe fuste turinjtë LSI dhe Ilir Meta. Mandati i dytë i Berishës me Metën ishte formal, i lodhshëm, pa shkelqim, në një kohë të fortë krize ku aleati mendonte të vidhjte çtë mundej, si dikur floririn e shqiptarëve në Krabë.

Me Ramën

Meta braktis Berishën dhe hidhet në krahët e Edi Ramës. Merr me shumë se 30% të pushtetit, del edhe më i fortë me mbi 16 mandate deputetësh. Tani loja kalon në të tjera institucione. Meta kontrrollon Prokurorinë, deklarimin e pasurive si struktura presioni, sulmi por edhe mbrojtjeje personale. Ka në dorë disa ministri dhe drejtori kryesore. Dështim i pandalshëm por sukses në korrupsion.

Ministria e Bujqësisë është një institucion ku sekserët dhe korrupsioni qelbin në distancë. Ministri është kukull projektet kalojnë vetëm pasi jep OK Ilir Meta apo Monika. Institucioni më shumë sesa në shërbim rama metatë fermerëvë është kthyer në godinën ku grabiten fonde e projekte nga një sekt banditësh të LSI-së.

Ministria e punëve Publike e drejtuar së fundi nga Sokol Dervishaj, është çeta e grabitësve që pistolerin e korrupsionit e ka tek Drejtoria e Përgjithshme e Rrrugëve. Ministri Haxhinasto, iku si më i dështuari por edhe më skandalozi dhe i korruptuari i pandalshëm që e filloi tek Berisha dhe e mbylli tek Rama. Njësoj si krushku i tij Nasip Naço.

Këto dy mjaftojnë për të mos folur për tenderat ku vidhet edhe pilafi i të burgosurve dhe fitesi vendoset në zyrat e LSI-së.

Më shumë se 8 vite hajdut?

Besoj se kjo analizë e thjeshtë dhe argumentat që janë publike jo vetëm nga  mediat, mjaftojnë për të na sjellë tablonë e një force politike si LSI dhe drejtuesi i ilir Meta që në fakt ka më shumë se 8 vite hajdut profesionist i shqiptarëve.

Opinioni analizon PD apo PS, por pak e kanë vëmendjen tek Ilir Meta dhe sekti korruptiv  dhe i inkriminuar i LSI. Tek Ilir Meta njeriu i korrupsionit dhe aferave që gjitmeta burghçka e ka publike, asgjë të fshehur. Të gjithë janë të bindur që Meta është simboli i këtij sistemi korruptiv në Shqipëri, që fillon me klientelizëm e gjoba ndaj biznesit, lidhjet korruptive me mediat dhe përfundon në ortakëri me krimin.

Në zgjedhjet e 18 qershorit me apo pa qeveri teknike shqiptarët ashtu siç gjykojnë Ramën dhe  Bashën duhet të mendojnë edhe për Ilir Metën.

8 vite pushtet korruptiv ku mjafton analiza e dy ose tre institucioneve në dy kohë të ndryshme, të jep mundësinë të kuptosh sesi funksionon Ilir Meta dhe banda e tij.

Nuk ka asnjë ndryshim nga viti 2000 kur u zgjodh kryeministër, është po aq bandit, por më i pasur dhe korrupsionin e ka më të sofistikuar. LSI kuptohet ka më shumë eksperience dhe dhe po kalon nga korrupsioni dhe krimi ordiner në Mafie politike ku Ilir Meta është PADRINO i saj./Shkruar për Citynews

 

 





Lajmet e fundit nga