web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Analogji historike të luftës brenda udhëheqjes së majtë në Shqipëri (personazhet dhe drama)

14 Mars 2017, 20:12, Aktualitet CNA

Personazhet e dramës:

-Edi Rama: Enver Hoxha
-Saimir Tahiri: Kadri Hazbiu
-Banda e Xhevdet Mustafës: Disa shokë të Saimirit, lexues të apasionuar të gazetës me emër të bardhë për -punë të errëta, si djemtë e Kadriut në diasporën shqiptaro-amerikane, me person emblematik të arratisurin e legjenduar nga Sigurimi i Shtetit.
-Erion Veliaj: Ramiz Alia
-Ilir Meta: Mehmet Shehu
-Xhevdet Mustafa: edhe ?lexues? i një gazete me emër të bardhë për punë të errëta.
-Lulzim Basha: Fantazmë e papërcaktuar e mërgatës politike shqiptare snë Perëndim, e projektuar në një çadër në bulevardin kryesor të Tiranës.
Role vakante:
-Vrasësi i Parë
-Vrasësi i Dytë
-Vrasësi i Tretë

Drama:
Pikënisja e dramës është, atëherë dhe sot, se disa lloj eliminimesh fizike të personave politikë, nuk mund të kryheshin si vrasjet e rëndomta politike, por për shumë arsye donin një skenar të posaçëm. Nuk mund të ndodhte si me vrasjen e Kenedit që të nxirrej një njeri i rëndomtë si autori, se pastaj duhej vrarë ky në burg, duheshin vrarë vrasësit e vrasësve dhe të gjitha këto ishin shumë kompromentuese. Këtë skenar të thjeshtë me vrasësin e parë që hyn në skenë, i ndjekur nga vrasësi i dytë dhe i tretë, mund ta bënin amerikanët, që ishin shekspirizuar deri në nënvetëdije nga shkollimi i tyre anglo-sakson, por komunistët do ta përkryenin edhe vrasjen politike, duke ua dhënë rolet e vrasësve politikanëve të lartë. E nisi Stalini këtë punë dhe Enveri mburrej se ishte nxënës i tij.
-Enver Hoxha priste që Kadri Hazbiu të punonte për të eliminuar Mehmet Shehun, objektivin nr. 1 të Enver Hoxhës, por Kadriu merrej me Ramiz Alinë; i dërgonte Enverit legjendime kundër Ramizit si agjent i huaj. A thua se nuk e dinte shoku Enver se Kadriu i kishte mësuar legjendimet në shkollën e tij. Harroi Kadriu, fshatari ezmer nga fshati që e kishte marrë emrin nga Hysoja flokëverdhë se kur Enveri erdhi ne ato vise, në 1943, për të eliminuar atë që e quajti fraksioni i Vlorës, solli edhe modelin sesi bëhen legjendimet ndaj kundërshtarëve, metodë që 40 vjet më pas u përsos me tablonë sinoptike të famshme.
-Shokut Enver nuk i pëlqente t? ua thoshte qartë dhe prerë bashkëpunëtorëve të tij të afërt disa gjëra të cilat ata i kuptonin mirë, ndonëse shtireshin sikur nuk i kuptonin, duke dashur që ai t? ua thoshte më qartë, me mendimin se kështu do të ndjente një detyrim të posaçëm ndaj tyre. Kadriu e dinte se Mehmetin nuk mund ta eliminonin duke e nxjerrë në gjyq që pastaj ta pushkatonin si armik, se në këtë gjyq do të duhej të shkonte si dëshmitar vetë shoku Enver që të bëhej sadopak i besueshëm.
-Shoku Enver i kishte bërë disa herë aluzione Kadriut që të përdorte atë bandën e Xhevdet Mustafës për të vrarë Mehmetin. Ky zhvillim ishte i nevojshëm që të realizohej ajo që Enveri e quajti më pas tabloja sinoptike, por ajo fillestare: CIA, kur agjenti i saj u zbulua, dërgoi një bandë dhe e eliminoi për të fshehur gjurmët.
-Xhevdeti ishte njeriu ideal për këtë rol, sepse ai sapo kishte dalë nga burgu, ku kishte hyrë si trafikant droge, mbi bazën e një marrëveshjeje me gjykatën për të paguar një milion dollar garanci. Pra, CIA kishte ndërhyrë dhe i kishte paguar garancinë trafikantit të drogës për ta përdorur për një atentat në Shqipëri. Por Kadriu se përse nguronte ta realizonte këtë skenar.
-Edhe Edi Rama priste që Saimir Tahiri të punonte për eliminimin fizik të Ilir Metës, dhe raste u krijuan plot për këtë, me mëtimin e shprehur publikisht të Tom Doshit, se Meta donte ta vriste, çështjen ?Balili? etj. Por Saimiri i sillte Edi Ramës legjendime kundër Erion Veliajt. Edi Rama e di që Erion Veliaj është për të, apo ishte sa kohë Sorosi ishte i plotfuqishëm në Washington, diçka si trashëgimtari natyral, të cilin duhet ta pranojë ashtu siç është i detyruar të pranojë limitin e jetës së tij politike në kohën e sotme, që nuk përputhet fatkeqësisht me jetën biologjike.
-Kadriu e kuptonte se pasi Xhevdeti i sjellë prej tij të vriste Mehmetin, Xhevdetin do ta arrestonin dhe do ta bënin të kallzonte Kadriun. Kadriu e njihte mjaftueshëm Enverin për të kuptuar se tashmë e kishte shkruar tablonë sinoptike integrale për ngjarjet dhe në këtë skenar Kadriu shkonte pas Mehmetit. Sepse Kadriu e kuptonte që Enveri vrasjen e Mehmetit do ta paraqiste si ndërhyrje të CIA-s në trashëgiminë e pushtetit në Shqipëri. Gjithsesi, Kadriu nuk ishte kundër që të luante rolin që i thoshte Enver Hoxha, atë të Vrasësit të Parë, por donte garanci se do të ishte ai zëvendësuesi i Enver Hoxhës dhe kjo garanci jepej vetëm me kokën e Ramiz Alisë. Por Enver Hoxha nuk kishte ndërmend që të linte pas Kadriun si zëvendësues të tij.
-Në këto rretha, shoku Enver u detyrua të rishkruante tablonë sinoptike (duke lexuar atë ekzistuese nuk është e vështirë të kuptohet si ka qenë e mëparshmja), duke bërë një gjysmë gjyqi të Mehmetit në Byronë Politike dhe duke inskenuar vetëvrasjen e tij. Banda e dërguar nga CIA do të hynte më vonë në skenë, këtë herë e sjellë nga Kadriu me qëllim për të vrarë atë vetë, Enverin.
-Edi Rama gjithçka e bën duke pasur si objektiv eliminimin e Ilir Metës. Meqënëse tani në Shqipëri ka zgjedhje, një bezdisje që nuk e kishte Enver Hoxha, Rama nuk e inicion dot eliminimin e Metës (?Mehmetit?). Prandaj detyrohet të eliminojë ?Kadriun? para ?Mehmetit?. Edi Rama llogarit që ajo që në këtë histori është ?banda e Xhevdet Mustafës? të eliminojë Tahirin, që pastaj kjo të përdoret nga Rama kundër Metës, duke qenë e njohur armiqësia e tyre.
-Në këtë histori nuk mungojnë edhe nota të një humori të zi, si ajo ku ?sekretari? i ?Xhevdet Mustafës? i drejtohet Edi Ramës publikisht duke i kërkuar të arrestojë Sali Berishën. Ky i fundit nuk iu intereson, në të vërtetë, dhe duket se i kanë çuar fjalë që nuk kanë gjë me të, se Berisha që nuk përton të reagojë në këto raste, heshti këtë herë.
-Edi Rama tablonë e tij sinoptike e bën me vizatime, jo me fjalë.





Lajmet e fundit nga