web counter
LEXO PA REKLAMA!

SHKARKO APP

E fundit!

x

Nga Astrit Patozi/ Optimizmi që po shoqëron emërimin e Tahirit

14 Mars 2017, 17:31, Aktualitet CNA

Një miku im, që erdhi nga jashtë këto ditë në Tiranë pas shumë vitesh, me tha sot se ishte bërë optimist për të ardhmen e vendit. Kishte parë lajmet me ndryshimin e titullarit në Ministrinë e Brendshme dhe ishte i bindur që me këtë të riun, Saimir Tahirin, duket sikur do të harrohen shumë shpejt lajmet për hashash, drogë, trafiqe dhe Shqiperinë – Kolumbi të Europës.

Entuziazmi, me të cilin e pritën ministrin e sapoemëruar policët dhe punonjësit e rendit do të thotë se ka ai qenë zgjedhje e qëlluar e Edi Ramës, më tha ai. Sipas tij, një gjë të tillë nuk e kishte parë në asnjë vend të botës, në Shqipëri jo e jo, madje as në kohërat e vjetra te diktaturës, dhe kjo e mbushte me shpresë dhe besim.

Ndonëse tha se nuk e njihte ministrin e shkarkuar, Fatmir Xhafa, ai mendonte se zoti Tahiri ishte më modern dhe më premtues se parardhësi i vet. Atij i kishte bërë shumë përshtypje deviza e Saimir Tahirit “Forca cuna”, e cila, per të ishte fiks gjëja e duhur që duhej bërë sot per vendin.

Miku im niset sot në darkë, për andej nga ka ardhur, dhe mua nuk më mbetet gjë tjeter vecse të uroj që dëshira e tij të realizohet sa më shpejt.





Lajmet e fundit nga