E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Përjetimet e tmerrshme të tri motrave/Babai iu vrau nënën me thikë

10 Mars 2017, 07:30, Aktualitet CNA

“Ai mbante në dorë një thikë dhe e therte nënën me të, raporton Gazeta Kosova Sot

Motra Chloe, tani 13, Chelsea, 10, dhe nëntë vjeçja Lottie ishin duke fjetur në shtrat, kur i ati i tyre hyri me vrull në shtëpi me një thikë dhe ua vrau të ëmën, duke e therur vazhdimisht, para se t’ia ngulte thikën edhe vetes.

Vogëlushja Leah vizaton nënën dhe babanë e saj, duke u përqendruar sidomos te ngjyrosja e flokëve të verdha të s’ëmës. Por, babai në dorë mban një thikë. Vogëlushja 4 -vjeçare kërkon në grumbullin e ngjyrave, duke thënë: “Më duhet e kuqja, për ta ngjyrosur gjakun”. Kur një këshilluese fëmijësh e pyet çka kishte ndodhur, ajo përgjigjet me një zë të qetë: “Ata patën një grindje të vogël dhe ai e shpoi mamin”. Ndërkohë, motra e saj Lilly, dy vjet më e madhe, thotë: “Si shkruhet fjala ‘vrarë’? Motrat gjenden në qendrën e vetme britanike, të paraparë për fëmijët që kanë përjetuar vrasje”.

Përpiqen që të shkruajnë fjalë për të treguar çfarë ndodhi Dhe, ato përpiqen që të shkruajnë fjalë, apo të vizatojnë, për të treguar se çka iu ndodhi atyre. Çdo ditë, një fëmijë në Angli dhe në Uells humb një anëtar të familjes në këtë mënyrë të tmerrshme. Lottie, Chelsea dhe Chloe janë vetëm tre nga shumë fëmijët të cilëve u ofrohet ndihmë në këtë qendër bamirësie, me emrin “Winston’s Wish”. Motra Chloe, tani 13, Chelsea, 10, dhe nëntë vjeçja Lottie ishin duke fjetur në shtrat, kur i ati i tyre hyri me vrull në shtëpi me një thikë dhe ua vrau të ëmën, duke e therur vazhdimisht, para se t’ia ngulte thikën edhe vetes. Për fat, fëmijët e tillë kanë ndihmën e profesionistëve të qendrës bamirëse “Winston’s Wish”. Një film i bërë nga “Channel 4”, me titull “A Killing In My Family”, flet për historinë e tetë familjeve me një fat të tillë tragjik.

“Vrasjet mund të ndodhin në familje të rëndomta” Katër nga familjet kanë humbur nënën, dy të tjera babanë, apo njerkën, një familje vëllain, por në rastin e tri motrave, Chloe, Chelsea dhe Lottie, ato kanë humbur të dy prindërit. Fëmijët ulen duke formuar një rreth, derisa mbikëqyrësit i inkurajojnë ata që t’i ndajnë rrëfimet e tyre, me qëllim që të ndihen më pak të vetmuar. Njëra nga ekspertet, Gemma Allen, të cilës i kishte vdekur nëna kur kishte pasur dhjetë vjet, thotë: “Vrasjet mund të ndodhin në familje të rëndomta. Por, gjëja më e tmerrshme është kur anëtarët e familjes, sidomos fëmijët, mbeten aq të ekspozuar ndaj dhembjes dhe stresit, pa ndonjë ndihmë adekuate”. Ajo thotë se nuk mund të bëhen mrekullitë, por ngelet shpresa që, sado-kudo, qendra ku punon ajo t’ua lehtësojë dhembjet fëmijëve.