E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Të paaftët e drejtësisë nuk i prek askush

10 Mars 2017, 07:14, Aktualitet CNA

Gjykatat dhe prokuroritë të rishikojnë vlerësimin e performancës,shkruan gazeta Kosova Sot.

Që nga paslufta e deri më sot nuk ka ndodhur që të suspendohet apo të largohet edhe nga puna ndonjëri nga bartësit e funksioneve në drejtësi, edhe atëherë kur të njëjtit i kanë bërë naze punës së tyre, nga paaftësia apo nga hezitimi që ta luftojnë korrupsionin endemik në Kosovë. Kështu të paktën kanë vlerësuar analistët dhe njohësit e kësaj fushe, derisa kanë thënë se prokurorët dhe gjyqtarët do të duhej të ishin në ballë të kësaj lufte ndaj korrupsionit. Zëdhënësja e KGJK-së, Aishe Qorraj- Berisha, ka bërë me dije për gazetën “Kosova Sot” se kompetencat e Këshillit Gjyqësor të Kosovës janë të përcaktuara në Kushtetutë dhe në Ligjin për Këshillin Gjyqësor të Kosovës, në bazë të të cilave KGJK-ja ka rol fundamental në sigurimin e pavarësisë dhe paanshmërisë së sistemit gjyqë- sor. Sipas saj, KGJK-ja ka komisionet e veta të përhershme në kuadër të të cilave edhe Komisionin Disiplinor. “Kreu VI (neni 33 – 42 ) i Ligjit për Këshillin Gjyqësor të Kosovës përcakton në mënyrë të detajuar procedurat disiplinore. Neni 34 përcakton sjelljen e pahijshme nga gjyqtari apo gjyqtari porotë: 1. dënimi përfundimtar për një vepër penale, përpos kundërvajtjeve siç përcaktohet me ligj; 2. neglizhencë në kryerjen, dështimin për të kryer apo abuzimin e funksioneve gjyqësore; 3. të dështuarit e kryerjes së funksioneve gjyqësore në mënyrë të pavarur dhe të paanshme; 4. shkelja e kodeve të zbatueshme të etikës

Sivjet, vetëm një gjyqtar i suspenduar

Tutje, Aishe Qorraj- Berisha shton se kreu VII i Ligjit për KGJK-në përkatë- sisht neni 43 përcakton se Zyra e Prokurorit Disiplinor themelohet si organ i ndarë dhe i pavarur që i shërben si Këshillit Gjyqësor të Kosovës ashtu edhe Këshillit Prokurorial të Kosovës. “Sa i përket sistemit gjyqë- sor, është përgjegjës për hetimin e supozimeve për sjellje të pahijshme të gjyqtarëve dhe gjyqtarëve porotë dhe paraqitjen e provave dhe lëndës pranë Komisionit Disiplinor në mbështetje të veprimeve disiplinore për sjelljen e pahijshme”, potencoi ai. Tutje ajo nënvizon se gjatë këtij viti Komisioni Disiplinor pas shqyrtimit të Rekomandimit të Zyrës së prokurorit Disiplinor ka Suspenduar një (1) gjyqtar nga funksioni i gjyqtarit deri në një vendim tjetër. “Është duke u zhvilluar procedurë penale me bazë dyshimi për veprën penalekeqpërdorim i pozitës apo autoritetit zyrtar nga neni 422 par. 1 të KPRKsë”, është shprehur për gazetën “Kosova Sot” zëdhënësja e KGJK-së, Aishe Qorraj- Berisha. Ndërkaq, për dallim nga Këshilli Gjyqësor, është Këshilli Prokurorial i Kosovës ai i cili nuk ka dhënë qëndrimin e tij lidhur me çështjen në fjalë, ngase zyrtarët e këtij këshilli nuk janë përgjigjur ditën e djeshme në pyetjet e parashtruara nga gazeta.

Korrupsionin nuk ka kush ta luftojë

Analisti Naim Kelmendi në një prononcim për gazetën “Kosova Sot” ka thënë se edhe pse korrupsioni është endemik dhe ka kapur majat e institucioneve të shtetit, asnjë veprim efikas, respektivisht asnjë vendosmëri nuk është parë dhe as nuk po shihet nga institucionet e drejtësisë për ta luftuar këtë dukuri të së keqes që po e pllakos shoqërinë tonë dhe zhvillimet e saj të gjithëmbarshme, derisa, sipas tij, prokurorët dhe gjyqtarët do të duhej të ishin në ballë të kësaj lufte ndaj korrupsionit. “Në të shumtën bëhet zhurmë për opinionin përmes disa rasteve pa relevancë, por që në të vërtetë korrupsioni dhe të korruptuarit e pushtetit as që preken nga drejtësia, ndërsa sa i përket anës tjetër, janë KGJK-ja dhe KPK-ja si monitoruesit e punës së gjyqtarëve, respektivisht të prokurorëve, dhe që nuk po tregohet efikasitet në llogaridhënien dhe mosndëshkimin e këtyre gjyqtarëve dhe prokuroreve, për mospunë sipas detyrimeve ligjore dhe neglizhencë të lëndëve të korrupsionit”, u shpreh ai./Kosova Sot