web counter
LEXO PA REKLAMA!

SHKARKO APP

App Store
Google Play

Protesta e opozitës/ Andi Bushati: PD i ka hyrë një rrugë njëkalimshme, të çon vetëm në …

7 Mars 2017, 17:26, Aktualitet CNA

Gazetari Andi Bushati bëri një analizë të situatës aktuale politike në rubrikën ?Opinion? në studion e lajmeve të News24.

Bushati tha se kushtet që ka vendosur opozita për t?u futur në zgjedhje janë në kufijtë e absurdit. Kjo, pasi sipas tij Basha po i rrit kërkesat gjatë rrugës. ?Në një moment thotë dua të bjerë Rama, më pas thotë duhet të bëhet qeveri teknike, më pas të ndërtohet një Republikë e Re. Basha po vë kushte të panegociushme,? tha ai.

Sipas analizës së Bushatit, kreu i opozitës ka hyrë në një rrugë që ka vetëm një kalim dhe ajo është bojkoti i zgjedhjeve.

?Për sa kohë që kushtet e opozitës janë në kufijtë e absurdit se Basha thotë dua të bjerë dhe Rama, të bëhet qeveri teknike, të ndërtohet Republikë e Re, në këtë pikë i bie që Basha thotë nuk e dua Vetting-un. Opozita ka vënë aq shumë vezë në shportën e negociatave me kërkesat e saj. Pra është paketë aq e madhe sa çdo njeri thotë më mirë mos ta negocioj fare. Opozita po shkon drejt një rruge të luftimit të sistemit të përjashtimit, dhe prandaj vë kushte të panegociueshme jo nga kjo qeveri që thotë: s?keni parë gjë akoma, por edhe nga një qeveri normale që nuk mund t?i plotësojë kushtet. Kushtet e opozitës po shtohen rrugës. Opozita duket sikur është para një muri të pakapërcyeshëm, prandaj vë kushte të panegociueshme,? tha Bushati.

Sa mund të vazhdojë kjo situatë?
Bushati: Rruga ku është futur PD-ja është një rrugë me vetëm një kalim, që çon në bojkotin e zgjedhjeve. Nuk shoh mënyrë tjetër se si Basha mund të dalë nga ngërçi që është futur.

Mund të hyjë mazhoranca në zgjedhje me një opozitë që bojkoton?
Bushati:Këtë nuk mund ta themi sot. Me këto shenja, kjo mazhorancë do shkojë në zgjedhjet e 18 qershorit në një situatë destabiliteti.





Lajmet e fundit nga