web counter
LEXO PA REKLAMA!

SHKARKO APP

App Store
Google Play

E fundit!

x

29 të arrestuar në të gjithë vendin/ Tentuan ti jepnin rryshfet policit

4 Mars 2017, 11:39, Aktualitet CNA

Policia e Shtetit ka bërë me dije se ka goditur 29 raste të mitdhënies. Ky bilanc i referohet muajit shkurt në të gjithë vendin. 24 raste nga Policia Rrugore, 4 raste nga Policia Kufitare, si dhe 1 rast nga Patrulla e Përgjithshme.

Janë arrestuar 29 shtetas pasi kanë tentuar ti ofrojnë ryshfet punonjësit të Policisë, nga këta: 24 drejtues mjetesh janë arrestuar nga Policia Rrugore, pasi kanë tentuar të korruptojnë punonjësin e Policisë Rrugore, për t’i shpëtuar masës administrative për shkeljen e konstatuar, kryesisht për mos vendosje të rripit të sigurimit, shpejtësi tej normave të lejuara, drejtim mjeti nën efektet e alkoolit e shkelje të tjera të Kodit Rrugor. 4 shtetas janë arrestuar nga Policia Kufitare, ku dy prej tyre janë kapur në kufirin e gjelbër, në tentativë për të kaluar kufirin në mënyrë të paligjshme dhe për këtë kanë tentuar të korruptojnë punonjësit e Policisë Kufitare me qëllim që këta të fundit t’i lejonin për të kaluar kufirin në mënyrë të paligjshme, si dhe dy shtetas të tjerë pasi kishin probleme me afatat e qëndrimit në hapsirën Shengen.

Gjithashtu u arrestua dhe një pasagjer nga Patrulla e Përgjithshme, pasi i ofroi ryshfet punonjësve të policisë për të shmangur bërjen e testit të alkoolit drejtuesit të automjetit. /CityNews 

 





Lajmet e fundit nga