web counter
LEXO PA REKLAMA!

SHKARKO APP

App Store
Google Play

E fundit!

x

Basha “kërcënon” Ramën nga çadra e protestës/ Ose largohu me dialog, ose ...!

23 Shkurt 2017, 20:14, Aktualitet CNA

Kreu i Partisë Demokratike, Lulzim Basha, po flet nga çadra e protestuesve për emisionin ?Opinion? të Blendi Fevziut. Basha është ndalur te protesta e opozitës, e nisur prej gjashtë ditësh, duke thënë se është një bashkim popullor. Sipas tij, protesta është organizuar nga Partia Demokratike, por është e qytetarëve.

?Këtu është një bashkim popullor. Ky është sheshi i lirisë, protesta është e qytetarëve, organizimi është i Partisë Demokratike. Studentët nuk janë të PD, ata që janë nisur nga Zharrëzi dhe që pritet të mbërrijnë nesër nuk janë të PD, naftëtarët nuk janë të PD?, tha Basha.

Më tej, kryedemokrati shtoi se kjo lëvizje nuk bëhet për ta sjellë atë në pushtet, por për të rikthyer pushtetin te qytetarët.

?Kjo nuk është një lëvizje për të më sjellë në pushtet. Ata që erdhën më 18 shkurt i besojnë thirrjes sime, dhe së bashku do hapim një lëvizje, që do rrëzojnë njëherë e mirë kastën politike kriminale. Në themel të kësaj lëvizje janë zgjedhjet e lira e të ndershme. Jemi këtu sepse pushteti është sot një pushtet fasadë, demokraci fasadë, ku qytetari as nuk pyetet as nuk dëgjohet.

Unë do qëndroj këtu deri në fitoren e kauzës qytetare. Fitorja është zgjedhje të lira e të ndershme, largimi i kësaj qeverie. Ka dy rrugë, ose qeveria duhet të largohet me dialog politik, ose do të rrëzohet nga qytetarët?, shtoi kreu i PD./CityNews





Lajmet e fundit nga