E fundit!

16:59 Kronika

VIDEO-Aksidenti në autostradë/ Bie betonierja nga lartësia, 1 viktimë dhe të plagosur

Zbardhen detaje të reja nga aksidenti i rëndë është shënua...

Video-Intervista/Astrit Patozi flet për protestën, bojkotin dhe koalicionin me LSI

20 Shkurt 2017, 13:02, Aktualitet CNA

Deputeti demokrat, Astrit Patozi, në një intervistë për televizionin ABCnews, ka sqaruar pozicionin politik të Partisë Demokratike dhe qëndrimet e fundit politike të kësaj force. Patozi ka theksuar se parlamenti tashmë është zhvendosur në çadrën e protestës, ndërsa ftesën për LSI nuk e shikon si ftesë për koalicion elektoral, por për si një koalicion për zgjedhje të lira, ku duhet të bashkohen të gjitha forcat politike. Deputeti demokrat thekson se opozita nuk ka filluar bojkotin, por ka braktisur seancat parlamentare duke qëndruar aty ku është spostuar tashmë parlamenti.

Zoti Patozi pas një vendimi të djeshëm të mbledhjes së grupit të Partisë Demokratike kanë vendosur bojkotimin e Parlamentit deri në vendimin e qeverisë për zgjedhje të lira e të ndershme. Nga ana tjetër, eksponentë tjerë të PD kanë folur për përshkallëzimin e protestës. Cilët do të jenë hapat?!

Në radhë të parë ne nuk kemi vendosur bojkotimin e Parlamentit, por ne nuk mund të jemi në Parlament, sepse njeriu nuk mund të jetë njëkohësisht në dy vendeve. Ne mendojmë që Parlamenti i Shqipërisë është vendosur te kjo çadër sot, sepse ky vend nuk ka asnjë ligj më të mirë për të shqyrtuar se sa zgjedhjet e lira e të ndershme, e gjithçka tjetër nuk ka asnjë lloj vlere.
Qeveria mund të shkojë në parlament, mund të diskutojë për tendera, mund të diskutojë për koncesione, për përfitime të paligjshme, që i marrin zyrtarët e lartë të saj, por kjo nuk ka vlerë për shqiptarët. Ne përfaqësojmë shumicën e shqiptarëve në këtë çadër dhe ky është raporti ynë me parlamentin, por nuk ka vendim për bojkotim të Parlamentit.

Ka pasur ditën e djeshme një reagim nga kryeministri Rama, ku thoshte që unë do të vazhdojë të mos marr parasysh kërkesat e opozitës, nga ana tjetër nuk kemi pasur një reagim nga ana e aleatit të tij Ilir Meta. Ish-kryeministri Berisha gjithashtu i ka bërë thirrje Ilir Metës të reagojë në këtë situatë…
Nëse ju e interpretoni thirrjen e Zotit Berisha si një kërkesë për afrimin e Partisë Demokratike me Lëvizjen Socialiste për Integrim, unë mund të shkoj përtej kësaj dhe të them se në këtë protestë janë ftuar jo vetëm LSI, për të cilën kam shumë rezerva, por edhe PS, sepse kjo është ftesë për aleancë për zgjedhje të lira dhe është ftuar çdo përfaqësues politik, që kërkon që Shqipëria të zhvillojë zgjedhje të lira e të ndershme.
Ne besojmë se shqiptarët që kërkojnë zgjedhje të lira janë shumë më tepër se sa partitë politike, përfshirë këtu dhe LSI. Unë do isha njeriu i fundit që do përfaqësoja idenë e një koalicioni me LSI. kjo e fundit është po aq përgjegjëse për katrahurën ku është zhytur vendi. Ne jemi për evolucionin e ideve dhe evolucionin e platformave.

A ka ndërmend opozita ta përshkallëzojë protestën?

Fakti që zgjodha jashtë politikës, janë për lëvizje më agresive dhe kërkojnë shkundjen e sistemit, është ogur i mirë që protesta është në të drejtën e vet që të arrijë synimet e veta, që nuk janë të një partie, por të shumë qytetarëve. Kjo do të thotë që përfaqësuesit e shoqërisë civile, të shtypit apo dhe aktorë të tjerë politikë janë reflektim i atyre që ndodhin
Partia Demokratike ka detyrim që t?i përgjigjet kësaj nevoje sociale që ka vendi, për të arritur synimin e kërkuar.
Është garancia për zgjedhje të lira e të ndershme, sepse ka një përpjekje të qëllimshme nga qeveria për ta paraqitur lëvizjen tonë si një përpjekje për të marrë zgjedhjet në tavolinë. Jo, kjo lëvizje ka një qëllim parandalues, kërkon të parandalojë një krim, që zgjedhjet në Shqipëri do të vidhen. Ne kërkojmë parandalimin e vrasjes së zgjedhjeve, kaq!/CityNews