E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Çadra s’të bën deputet

20 Shkurt 2017, 10:19, Aktualitet CNA

Partia Demokratike prej tre ditësh po vazhdon protestën e saj në kërkim të qeverisë teknike dhe zgjedhjeve te lira në vend.

Një aksion politik i fortë dhe me mjaft vlerë i Lulzim Bashës. Një protestë e cila u pasua nga një ngujim, që prej tre ditësh mban nën tension jo vetëm qeverinë, por është kthyer në një lëvizje që ka tërhequr vëmëndjen e faktorit ndërkombëtar në lidhje me të ardhmen politike të Shqipërisë.

Përballë rezistencës ku janë qindra qytetarë, apo protesta ku ishin qindra mijëra të tjerë, janë edhe ?hijenat? e zakonshme politike. Janë ata të cilët ngujimin po e bëjnë dekurajues për demokratët. Këta janë pretendentët për karrigen e deputetit, apo ata që duan ta mbajnë fort karrigen e tyre. Gjatë protestës, në çadër disa figura të pavlera përpiqen të vijnë vërdallë, të ekspozohen sa më shumë për të kapur ndonjë mikrofon, për tu shfaqur në ndonjë kamera, duke publikuar foto në rrjetet sociale, për qëllimin e tyre të vetëm, mundësinë për të qënë deputet në zgjedhjet e ardhshme.

Atyre nuk u intereson protesta, nuk u intereson, kauza, zgjedhjet, qëllimi i tyre është të bëhen deputetë. Janë nga ata paloçot e korruptuar të sistemit të djeshëm, por edhe nga ata sharlatanët e rinj që servilosen pas Bashës, duke pretenduar të jenë elita dhe e ardhmja e PD.

Protesta dhe kauza vlejnë, edhe qëndresa e demokratëve. Ajo që nuk vlen në gjithë këtë lëvizje janë ata që duan ta shfrytëzojnë çadrën për kapjen, për të bërë të mundur mandatin për deputet. Janë ata që problem nuk kanë kauzat dhe çështjet politike, por shqetësohen që me intriga të mund të jenë pjesë e listave për deputetë.

Çadra nuk të bën deputet. Rezistenca duhet vlerësuar për të gjithë ata demokratë që qëndrojnë pa pushim në krye të kauzës politike të partisë së tyre. Por të tjerë, ata që kërkojnë ta shfrytëzojnë dhe manipulojnë për qëllime personale përfitimi, duhen neveritur dhe hedhur në koshin e plehrave të politikës. Të shpresojnë që çadra dhe rezistenca nuk do të na japin në fund një produkt që do i jepte kosto të mëtejshme opozitës. /CityNews