web counter
LEXO PA REKLAMA!

SHKARKO APP

E fundit!

x

Zgjedhjet janë të popullit/ Paloka: Deklaratat e Ramës, sa herë që qeveria "kapet me brekë nëpër këmbë"

20 Shkurt 2017, 09:09, Aktualitet CNA

Nënkryetari i PD-së dhe njëkohësisht edhe kreu i grupit parlamentar, Edi Paloka, duke folur për “Report Tv”, tha se PD-ja nuk do të jetë pjesë e Parlamentit deri në ngritjen e një qeverie teknike. Ai ka deklaruar  se PD-ja nuk do të jetë as pjesë e votimit për anëtarët e Komisionit të Vettingut.

“E rëndësishme nuk është se çfarë do të vendosi mazhoranca. Ajo do të vazhdojë që ti vjedhi zgjedhjet. Ne jemi këtu për ta ndaluar këtë gjë. Mediat ndërkombëtare i bënë jehonë protestës së opozitës. DW ka ngritur dhe shqetësimin se nuk do të ketë zgjedhje të lira.

Ambasadori amerikan më parë ka thënë së grupe kriminale do të vjedhin zgjedhjet. Ne si opozitë nuk kemi asnjë përgjegjësisë përsa i përket procesit të integrimit të Shqipërisë në BE.

Jemi lodhur duke dëgjuar deklarata të bëra nga vetë Rama apo dhe deputetët Balla dhe Tahiri që thonë se po pengohet Reforma në Drejtësi dhe po pengohet procesi i integrimit.

Këto janë deklarata që me falni për shprehjen vijnë ?sa herë që ne i kapim me brekë nëpër këmbë?. Zgjedhjet janë veçse të popullit, ndaj ne jemi këtu”, tha ai. /CityNews





Lajmet e fundit nga