web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha mesazh Edi Ramës/Kujto 20 shkurtin 26 vite më parë

19 Shkurt 2017, 22:12, Aktualitet CNA

Kryetari i opozitës Lulzim Basha sot në mbremje ditën e dytë të protestë i ka dhënë një mesazh kryeministrit Edi Rama.

Basha tha se 26 vite më parë, më 20 shkurt studentët rrëzuan bustin e ish-diktatorit Enver Hoxha. Kreu i PD paralajmëroi se edhe qeveria Rama së shpejti do të ketë të njëjtin fat.

?Beteja që kemi nisur dje bashkë  është më e madhe se PD, sepse është beteja për gjithë Shqipërinë. Kushdo që dyshon në vendosmërinë tonë, gabon rëndë. Shqiptarët e ndershëm janë mbledhur e po mblidhen përditë me këtë uragan të ri. Kam nderin të jem bashkë me ju në ballë të kësaj lëvizje dhe jam sonte këtu sic isha mbrëmë e sic do të jem deri në plotësimin e kërkesave tona të drejta dhe legjitime. Ju jap fjalën se do të jem në krye të kësaj beteje dhe së bashku me ju dhe me ndihmën e kauzës sonë e me ndihmën e Zotit do t?ia dalim me fitore.

Afërsisht në këtë orë 26 vite më parë ndodhesha afër pallatit të sportit. Me zemër ndjeja një peshë. Nuk e dija cfarë do të ndodhte të nesërmen. E nesërmja provoi të ishte një vullkan i zgjimit popullor. E nesërmja është po kështu një ditë historike. Jemi të vendosur deri sa të rrëzojmë qeverinë fasadë. Qindra mijëra të tjerë do të na bashkohen nesër për 20 shkurtin. Kjo lëvizje do të vazhdojë të rritet?, deklaroi kryetari i PD Lulzim Basha.





Lajmet e fundit nga