web counter
LEXO PA REKLAMA!

SHKARKO APP

App Store
Google Play

Zbulohet “koka” që Rama po i ofron opozitës për t’u tërhequr nga protesta

20 Shkurt 2017, 11:24, Aktualitet CNA

Kryedemokrati Lulzim Basha ka zbuluar ?kokën? që po i ofron kryeministri Edi Rama, për t?u tërhequr nga protesta.

Basha tha pra protestuesve se Rama iu ka ofruar sot kokën e Saimir Tahiri.

Por më tej shtoi se nuk do të pranojnë një kokë të bandave dhe krimit të organizuar për të ulur kokat dhe pranuar zgjedhje të vjedhura.

?Më tej Basha u shpreh se ?qytetarët po bashkohen dhe nuk kanë më frikë të marrin në dorë fatin tonë. PD ka marrë një vendim dje në përputhje me zërin tuaj. PD dhe grupi i saj do të zhvillojnë deri në arritjen e objektivave tona për qeveri teknike, aktivitetin parlamentar në sheshin e Lirisë këtu me ju dhe qytetarët shqiptarë. Ta harrojnë se mund të përdorin të njëjtat truke si paraardhësit e tyre. Sot kanë ofruar përmes mediave të kontrolluara nga kryeministri kokën e Saimir Tahirit. Ajo është një kokë peshqesh i bandave dhe krimit të organizuar. Ne nuk jemi këtu të pranojmë koka turku dhe pastaj të ulim kokat tona dhe të pranojmë zgjedhje të vjedhura. Mbaje Saimir Tahirin për vete, zgjidhja është largimi i qeverisë tënde. Nëse ta mban dil të ndeshemi dhe të shohim kush fiton. Populli do vendosë me votë të lirë për një të ardhme të re, ku gjyqtarët dhe prokurorët nuk tremben për drejtësinë. Kjo orë po vjen. Koha për të vendosur ka ardhur dhe ne të gjithë do vendosim për të ardhmen e vendit. Me ndihmën e zotit ne do fitojmë?, deklaroi Basha./CityNews





Lajmet e fundit nga