web counter
LEXO PA REKLAMA!

SHKARKO APP

App Store
Google Play

Dita 3 e protestës/ Basha: Nuk kthehem nga kjo rrugë pa fitore

20 Shkurt 2017, 10:27, Aktualitet CNA

Kreu i Partisë Demokratike, Lulzim Basha, po flet në çadrën e protestuesve të opozitës, të cilët ndodhen të ngujuar prej tri ditësh.

Basha ka përkujtuar 20 shkurtin e 1991, kur u rrëzua busti i diktatorit Enver Hoxha.

Ai e quajti ditën e sotme një ditë historike, ku sipas tij, u rrëzua jo vetëm shtatorja e diktatorit, por u ngrit çdo shqiptar.

?Ditë historike, rrëzimi i shtatores së diktatorit, vrasja e frikës, rrëzimi de facto i diktaturës. E sotmja ka nisur si një ditë përkujtimi për ata qindra mijëra qytetarë të Tiranës, të cilët u bashkuan për një akt madhështor që u kthye në kryelajmin e botës, aktin që shqiptarët vendosën të shkëpusnin regjimin e dhunshëm. I kam përjetuar ato ngjarje si 17-vjeçar. Kam biseduar më vonë me protagonsitë, me Sali Berishën dhe me drejtues të tjerë të lartë të PD. Në ballë misionit për të rrëzuar shtatoren e Enver Hoxhës u vendos Azem Hajdari. Partia Demokratike frymëozi lëvizjen studentore dhe ishte bashkimi i madh i popullit ai që i vuri vulën. U ngritën shqiptarët dhe morën fatin e tyre në duart e tyre. 20 shkurti nuk është rënie e një shtatoreje, por ngritja e çdo shqiptari. Regjimi u mundua të bënte manovra, të zbuste vullnetin e qytetarëve, duke sakrifikuar ndonjë ?kokë turku?, por nuk ia dolën. Sot pas 26 vitesh, ja ku jemi sërish në këtë shesh të lirisë, të së vërtetave. Jemi këtu, sepse bijtë e etërve duan të zëvendësojnë demokracinë e vërtetë me demokracinë fasadë, ku nuk pyeten e votojnë qytetarët. Një grusht njerëzish kontrollojnë gjithë pasuritë e vendit. Unë nuk kthehem nga kjo rrugë pa fitoren që iu kam premtuar ju, zgjedhje të lira e të ndershme, qeveri teknike. Jam në shërbimin tuaj?, tha Basha./CityNews





Lajmet e fundit nga