web counter
LEXO PA REKLAMA!

SHKARKO APP

App Store
Google Play

Posti i kryeministrit i takon PS/ Nëse LSI do të ikë, rruga e mbarë i qoftë!

14 Shkurt 2017, 08:19, Aktualitet CNA

Thellohen përplasjet mes koalicionit qeverisës PS-LSI. Një tjetër pikë e fortë e debatit është edhe posti i kryeministrit.

Aleati i koalicionit qeverisës, LSI, ka vijuar kritikat ndaj punës së qeverisë në luftën kundër kanabisit dhe vijon po ashtu pretendimet për postin e kryeministrit pas 18 qershorit, shkruan ?Sot?. Deputeti socialist, Bujar Çela, thotë se kritikat e LSI janë në kuadër të fushatës elektorale, ndërsa thekson se posti i kryeministrit i takon Partisë Socialiste, si partia më e madhe.

Ai shprehet se 1 prilli po afron dhe LSI e ka rrugën e lirë nëse nuk dëshiron të vijojë bashkëpunimin. ?Po bindin votuesit që kanë ardhur nga PD në LSI, të mos shkojnë në shtëpitë e tyre. Po të dalë burrë më i gjatë nga LSI, mund ta synojnë postin e kryeministrit. Këto kritika unë do t?i quaja stërvitje në fushën e tyre, për të përgatitur ndeshjen e radhës, që në fakt nuk janë në gjendje për të ikur nga ky ekip fitues. Po bëjnë gjasme! Në rast se kanë dëshirë të ikin, 1 prilli po afron, rruga e mbarë u qoftë!?, u shpreh deputeti Çela.

Sa i takon kritikave për kanabisin, që eksponentë të LSI kanë drejtuar shpesh herë shigjetën në drejtim të policisë dhe Ministrisë së Brendshme, ai tha se autoritetet po bëjnë mjaftueshëm në ndalimin e trafikantëve të drogës./CityNews





Lajmet e fundit nga