web counter
LEXO PA REKLAMA!

SHKARKO APP

App Store
Google Play

E fundit!

x

Plas bomba tjetër në Kuvend/ Zbulohen emrat e 5 deputetëve me precedentë penalë

14 Shkurt 2017, 07:32, Aktualitet CNA

Pesë deputetë dhe dy kryebashkiakë rrezikojnë t?u hiqet mandati, pasi janë objekt i ligjit të dekriminalizimit. Pas akuzave të ambasadorit amerikan, Donald Lu dhe përplasjeve të ditëve të fundit, kryeprokurori Adriatik Llalla ka bërë një tjetër goditje, pasi përmes një shkrese ka informuar Kuvendin dhe KQZ, duke deklaruar se 5 deputetë dhe dy kryebashkiakë, gjatë kontrollit të formularëve të vetëdeklarimit, kanë rezultuar të dënuar dhe proceduar jashtë vendit, krime të cilat ata i kanë fshehur, shkruan ?Sot?.

Sipas burimeve nga organi i akuzës, bëhet fjalë për 2 deputetë nga PDIU, 2 nga PD dhe 1 nga PS. Emrat e tyre janë lakuar shumë ditët e fundit se më përpara kanë kryer aktivitete kriminale, por sipas hetimeve të prokurorisë ka rezultuar e vërtetë. Mes tyre janë dhe 2 kryebashkiakë që po ashtu kanë fshehur të dhënat. Edhe ata janë dënuar jashtë vendit për trafiqe dhe vepra të tjera. Pak ditë më parë, njësia e dekriminalizimit ka marrë përgjigje nga INTERPOL dhe në bazë të shenjave të gishtave rezulton se 5 ligjvënës dhe 2 kryebashkiakë kanë pasur probleme me drejtësinë. Kjo është goditja e dytë e Adriatik Llallës, pas heqjes së mandatit për Elvis Rroshin, Dashamir Tahirin dhe Shkëlqim Selamin.

Çështja e dekriminalizimit u përfol dhe pak ditë më parë, pasi shefja e këtij sektori, Rovena Gashi, ishte në listën e prokurorëve që iu bllokua viza nga ambasada e SHBA. Por duket se akuzat e ndërkombëtarëve nuk e kanë dekurajuar shefin e akuzës, i cili ka vënë në shënjestër politikën shqiptare. Nga ana tjetër, ky fakt tregon qartë se politika shqiptare dominohet nga të inkriminuarit. Edhe pse kryeministri Edi Rama ka deklaruar disa herë se nuk ka asnjë të inkriminuar në gjirin e PS, një deputet rezulton me rekorde. Nga ana tjetër mësohet se prokuroria po vijon kontrollet dhe për një sërë zyrtarësh të tjerë, për të cilët ka dyshime se janë të inkriminuar.

Ndërkohë, në ditët në vijim, Komisioni Qendror i Zgjedhjeve pritet që të vendosë për fatin e deputetëve dhe kryebashkiakëve./CityNews





Lajmet e fundit nga