web counter
LEXO PA REKLAMA!

SHKARKO APP

App Store
Google Play

Parlamenti më i keq/ Modelet e gjirizeve shoqërore kanë blerë vota me para të pista!

10 Shkurt 2017, 13:13, Aktualitet CNA

Paskal Milo e ka cilësuar parlamentin aktual më te keqin në gjithë historinë e shtetit të pavarur shqiptar.

Kreu i Partisë Demokracia Sociale tha për gazetën ?Dita? se veçoria e këtij parlamenti është se aty ka hyrë vulgu e përfaqësuesit e segmenteve të kriminalizuara, modelet e korrupsionit e të gjirizeve shoqërore me meritën e vetme se kanë financuar me para të pista për të blerë vota.

?E theksova edhe më parë që parlamenti aktual është më i keqi nga të gjitha pikëpamjet jo vetëm në 26 vitet e tranzicionit të stërzgjatur shqiptar, por edhe në të gjithë historinë e shtetit te pavarur shqiptar. Nuk është fjala thjeshtë për deputetë anonimë që nuk kanë folur asnjëherë në katër vjet në parlament e nuk janë persona publikë siç duhet të jenë. Të tillë mund të ketë patur edhe në të kaluarën dhe kjo është gjysma e të keqes. Por veçoria e këtij parlamenti sot është se aty, në tempullin e fjalës e të vullnetit të popullit ku propozohen e bëhen ligje ka hyrë vulgu e përfaqësuesit e segmenteve të kriminalizuara, modelet e korrupsionit e të gjirizeve shoqërore me meritën e vetme se kanë financuar me para të pista për të blerë vota ose i kanë marrë ato me dhunë e me forcën e armëve e me bekimin e kryetarëve të partive?, deklaroi Milo./CityNews

 





Lajmet e fundit nga